Cinema clacket

اكتر فيلم بحبه عن راس السنة فيلم ليلة ساخنة... و سبحان الله النهارده في ليلة راس السنة توفى مؤلف الفيلم.... رحمة الله على السيناريست المبدع و المهم بشير الديك

افلام عيد الاضحى 2024 مميزة جدآ عن كل سنة... لأول مرة هيتنافس الاخين؛ المخرجين الكبار عمرو و شريف عرفة، عمرو اخيرا هينزل له فيلم "أهل الكهف" اللي بيتعمل من سنين و شريف عرفة هينزل له أول تعاون مع محمد عادل إمام "اللعب مع العيال" إللي بالمناسبة ملوش علاقة خالص بأيقونة التسعينات اللعب مع الكبار.
اخيرا هينزل الجزء الثالث من "ولاد رزق" لطارق العريان و ده رابع تعاون له مع المؤلف صلاح الجهيني و متوقع إن الفيلم هيكون نقلة ف عالم الاكشن و بشكل شخصي ده اكتر فيلم انا متحمس له
و الفيلم الرابع هو عصابة الماكس بطولة أحمد فهمي و اللي بصراحة بيثبت دور بعد دور إنه مختلف ومش بيحب التكرار و مش بيخاف من المغامرة.

كوتش تامبي عينيه قالت كلام كتير اوي لما كان بيبص لفريدة بنت صاحب عمره يحيى، نظرة أب عارف يفهم تفكير طفلة بتتحول لمراهقة، نظرة صديق فرحان ببنت صاحبه إللي كبرت، نظرة إحساس بزمن و عُمر بيجري، نظرة إحساس إن مش بيبقى من الواحد غير ذكرى ف قلوب إللي حبوه و حبهم.
نظرة نستني إن ده مسلسل بس بتقول إن ده فنان كبير إسمه اشرف عبد الباقي