"Essam Safa Service"

🔻 زي ما توقعت تماما 😉 .. ديه بروتون ساجا 2025 ( التجميع المحلي ) .. ارخص عربية قيمة مقابل سعر في مصر 🔥🔥

🔹العربية نازلة بمواصفات حلوة ( فئة واحدة ) وبمنظومة اعتمادية ممتازة
▪️موتور ٤ سلندر سعة 1300 CC بيطلع 95 حصان وعزم ١٢٠ نيوتن.متر
▪️ومتوصل بالفتيس الاوتوماتيك العادي ايسن الياباني = ٤ سرعات
▪️فرامل ABS , EBD و ٢ ايرباج + شاشة ترفيهية وشوية دلع لطيف

❗️هنجرب التجميع المحلي حصريا قريبا .. وانا عجبني جودة التقفيل العامة والمواصفات اللي شغالين بيها في المصنع

✅ العربية نازلة ب تسعير ممتاز وزي ما توقعت تماما 👌🏻 = 629.000 جنيه فقط

🔥انا مبسوط باللي بيحصل في السوق مع خطوط الانتاج الكبيرة اللي بتتعمل من مختلف الشركات .. واللي هتجبر ان ميبقاش في اوفر برايس
❗️بل هتلاقي منافسة وتخفيضات وعروض على الاسعار واسعار العربيات زي ما بيحصل الفترة الحالية

🔺 انا وصيتهم بالسيطرة على قصة الاوفر برايس + انتاج اعداد كبيرة ودعم المستهلك في كل حاجة .. وعز العرب ناوي يعمل شغل كويس فيها وكمان هيصدروا خارج مصر بطاقة انتاجية تصل الى ٨٠ الغ عربية خلال ٣ سنوات ..

🔥🔥 هنجرب العربية ان شاء الله وهفصصها زي ما انتوا متعودين علشان نشوف الجودة العامة بعد التقفيل المحلي .. بس ايه رايكم في التسعير 😉

⛔️ صوتكم بيوصل على فكرة 👌🏻

#بروتون proton saga

🔸 ده كود خصم عند فروع 2B للإلكترونيات يصل الى 10%
الكود = AA127

نصائح وارشادات هامة للسادة ملاك الساجا الجدد في كيفية التعامل مع العربية في أول ١٠٠٠ km

أولاً ألف مبروك للجميع العربية الجديدة الجميلة
ثانياً حاول بقدر المستطاع تعمل الأتي👇

🛑 حاول تمشي بسرعه اقل من ٦٠ km داخل المدينة و ١٢٠ km خارجها أقصى حاجهً ولو زادت السرعة عن كده حيزيد استهلاك البنزين .

🛑 العربية مهيئة لبنزين ٩٢ لكن أفضل تضع لها بنزين ٩٥ لأن اداؤه افضل .

🛑 شغل التكييف عادي مش مشكلة لأن التكييف حمله زي حمل واحد زياده في العربيه بس حاول متخليهوش على أقل درجة وأعلى مروحة .

🛑 خللي العربيه تسخن قبل ما تخرج بيها والتسخين يعنى ال RPM ينزل بس او اقل من دقيقه .

🛑 خليك هادي في الطلعات والمطبات وتفادي الشوارع المكسرة وريح العربية في المشي العادي مش محتاج تدوس بنزين جامد عشان متحتاجش تدوس فرامل جامد

🛑 انت في مرحلة تجريبية للعربية لأن كل القطع لسه بتطبع علي بعضها فحاول تمشي هادي وده علي المدي البعيد بيخليك تتفادي مشاكل موتور وفتيس وعفشه وفرامل .

🛑 حاول وانت دايس بنزين كل ما تحس ان العربيه اخدت كفايتها شيل رجلك وريحها ولما تحس انها محتاجه حط رجلك تاني هتلاقي استهلاك البنزين الأمثل لكل ١٠٠ km .

🛑 إعمل صيانه الألف كم ودي مهمة جدا ومعها بيتفعل الضمان

🛑 حافظ علي صياناتك كلها في التوكيل او المراكز المعتمدة بيبقوا فاهمين فيها كويس ومتضيعش حقك في الضمان
ومتفتكرش انك لما تعمل صيانتك بره انك بتوفر بالعكس انت ممكن تلبس في بلاوي كتيرة وغالية

🛑 تأكد ان ضغط الكاوتش مظبوط وده حيخللي قيادتها سهلة ومريحة

🛑 حاول تحافظ علي سلامتك وما تجريش بدون داعي لأن في السرعة الندامة

🛑 حاول لو تقدر تعمل وثيقة تأمين شامل علي العربيه بسعرها مهم جدا وربنا يسترها علينا جميعاً

والله الموفق والمستعان 🤲