Arabian Motor

🌱

مشروع توريد السيارات للعمل في مختلف المجالات هو من افضل المشروعات التنموية والخدمية في البلد ..
اسباب نجاح المشروع :
* التأمين التكافلي للسياره .
* اختار شركة التوريد الافضل .
* تحديد المجال الموجه له السياره .
* ضمان القيمه الإيجارية لفترة محددة .
* الاختيار الافضل للسياره الاعتماديه لنجحها في التوريد و البيع .

يشرفنا استقبال اتصالتكم للاستفسار عن النظم المقدمه من خلالنا للتعاقدات و التوريدات .

محتاااااااااار ومش عارف أختار

لا بسيطه تعالى ندردش شويه وانا هقولك كل واحده فيهم بتقدم أيه

1_المساحات

تيبو وميجان بيقدموا أفضل مساحات فى الفئه وأكبر حجم شنطه

فلو محتاج المساحات هتروح ليهم من غير ما تفكر وهتخلى كورولا خيارك التانى بعدهم لكن احذر اسوء دخول للكنبه الخلفيه بسبب القايم المنخفض يذهب لكورولا

وهتلغى الأسترا خالص علشان بتقدم أضيق مساحات جلوس خلفيه

2_الأداء والأعتماديه

كورولا تتربع على عرش الأداء الناعم السلس وإحساس الحضور مع الفتيس الوهمى النقلات واقل احساس بصعوبه ومعافره القياده

لكن أسترا بتقدم افضل تسارع بلا منافس مع الموتور التيربو والعزم اللى مش موجود فى الفئه

وتأتى تيبو فى مرتبه أقل تليها ميجان مع أسوء طلعه من الثبات بالمجموعه ووزن وحجم بيجرهم فتيس وموتور من اجيال قديمه مش عارفين يعافروا ولازم ياخدوا سرعتهم علشان يدولك اداء مقبول

3_العفشه والتوجيه

هتلاقى كورولا بتقدملك افضل عفشه مالتى لينك فى الفئه ولكن توجيه المهلبيه بالجيلى

يعنى يمين شيئ من بعيد نادانى

وشمال الحب نادانى جابنى وودانى

تيبو عفشه متوسطه مع نظام city الرائع نعومه داخل المدينه لو حابب وتقل شويه على الطرق السريعه وكل ده بضغطه زرار
وأسترا عفشه موزونه مع وسطيه
وميجان عفشه حلوه

4_العزل

الأفضل فيه ميجان وهيا الوحيده اللى بتقدم عزل متميز فى الفئه

5_الثبات والتماسك والخامات مع التصميم الداخلى

تيجى تيبو وأسترا وميجان كل واحده فيهم بتقدم تماسك محترم بشكل غير التانيه ولكن كلهم ثابتين وفى تشبث جيد بالأرض مع السرعات

كورولا أكبر احساس بالبودى رول ممكن تشوفوا من سيدان ولكن مش لدرجه الخطوره بس اعتقد بعد 140 مثلا ممكن تقلق جامد ويمر شريط حياتك قدامك

اه هتخاف لازم هتخاف

التصميم الداخلى ووالله ما مضطهد كورولا فعلا الأقبح فى الفئه

لكن الخامات الأسوء اعتقد لتيبو واللى بتتحسن فى اعلى فئه ولكن مظهرها رخيص جدا ومش مريح للعين

6_باكيدج الأوبشن والأمان

تيبو بتقدم باكيدج أوبشن ممتازه لكن مع تركات بايخه اوى زى مفيش مرايات ضم فى اى فئه والشاشه بالنافيجيشن لكن حجم عقله الأصبع

بس بالأمان هيا الأكثر تفوقا

مع 6 ايرباجات وtpms وخمسه أنظمه فرامل وثبات بالفئه الاعلى والأرخص منهم جميعا

تليها استرا بعدد ايرباجات اكبر من ميجان اللى معاها فى نفس السعر والكورولا مع نفس باقى انظمه الأمان

يليها الميجان اللى هتاخد امان اكبر بكن بفلوس اكتر مع آخر فئه

وفى كورولا هتاخد الأمان العادى المقبول لحد ما تدفع 470 الف نبقا نديك امان

فى باكيدج الأوبشن انت متكلمناش عن اوبشن محترمه فى كورولا قبل 420 فاهم يابن الجناينى.
وكمان مش هتاخد كاميرا خلفيه

عاوزها ادفع 470

الاوبشن فى ميجان وأسترا مقبول ولكن فى ميجان هتاخد كل حاجه عرفتها العين فى 3 فئه الجيده سعرا نسبيا

7_القيمه مقابل سعر وقطع الغيار والأعتماديه

عاوز امان جيد مع باكيدج مقبوله باقل سعر هتاخد تيبو اعلى فئه

عاوز افضل تصميم باجماع 99.99 ديتول قاهر الجراثيم هتاخد ميجان و3 فئه هتستكنيص

عاوز اداء فقط هتاخد أسترا

عاوز أداء ناعم مع أفضل عفشه واعطال مش قاتله واعتماديه جيده على مر العصور هتاخد كورولا ومتسألش عن حاجه تانيه

8_الصيانات وقطع الغيار

الارخص صيانات كورولا

كلهم قطع غيار اصليه متوسطه فيما فوق المتوسط ومحتاجين مراجعه اسعار تانى رغم مراجعه فيات لصياناتها وقطع غيارها

أفضل توكيل فاهم عربيته وبيريح فيهم تويوتا كأفضل خدمه ما بعد بيع

9_إعاده بيع

انت اتجننت

كورولا هتورثها لولادك وهتبيعها قبل ما تنزل الإعلان اساسا هتلاقى زومبى تحت البيت بيعضوا الكبوت لحد ما تنزل وتكتب عقد بيع إبتدائى

أسترا

ميجان

تيبو

كلهن نفس الحال وهيخسروا الخساره المقبوله ولكن اسواقهم بتتحسن وبعد ان كانوا مرفوضين تماما كإعاده بيع

الأن يتم تداولهم وسيارات نجحت وانتشرت انتشار مقبول وان كانت ميجان نسبيا أكثرهم تعثرا