Aubergize

أحنا بنسمع

في وسط ما بنكلّم الناس اللي جربت أكلنا الاسبوع اللي فات, سمعنا منهم انتقادات و شكاوي و إقتراحات كتير, فهمنا حاجات كتير لما سمعناكم

مش هنكدب عليكم و نقول اننا هنفّذ كلام كل العملاء اللي كلمناهم و أخدنا رأيهم, إحنا مش هنعرف نعدّل في لوحه "أكله" من لوحاتنا، يعني لو فيه أكله معجبتش أغلبية الناس هنبطل نعملها اصلاً مش هنعدّلها

ده بقي ملوش علاقه بتصليح الأخطاء اللي سمعناها منكم,

-الزيت كتير قوي في الاكل
-التغليف مش محكم
-المسقعه بالتحديد البتنجان فيها مش مِستِوي
-الاكل بيوصل ساقع
-السعر مش متناسب مع الكميه (ليها post مخصوص )
-الدليفري بيتأخر كتير

أحنا كده كده شغالين اننا نحل المشاكل دي من كذا يوم و بكل صراحه ملقيناش اي حل لأخر نقطه
الضغط و كميه الدليفري اللي عندنا غير متناسبه تماماً و حالياً لسه بندور علي حلول
و لحد ما نلاقي حل للدليفري, احنا قررنا اننا نكون أصدق و أدق في مده التوصيل

يعني لو الاكل هياخد ساعتين هنقول لحضرتك ساعتين حتي لو ده مش هيخليك تطلب

شكراً لكل الناس اللي كان عندها شجاعه تجرب أكل جديد عليها
شكراً أنكم قولتلنا رأيكم بصراحه لأن هي دي الطريقه الوحيده اللي ممكن تنجّحنا

ملحوظه: لو هتطلب النهارده اعمل حسابك تطلب بدري شويه

تقدر تتفرج علي المنيو من هنا http://bit.ly/Aubergize-menu3
و ده رقم التليفون لو عايز تقيّم الأكل بنفسك ;)
01003124140