FIT Groove

لو عاوز تخسس بطنك العب تمارين بطن !!
بالطبع لا ، البطن ما هى إلى مجموعة من العضلات يكسوها طبقة من الدهون ثم طبقة الجلد ، و تمارين البطن بأشكالها و أنواعها ما هى إلا تقوية لعضلات البطن و لكن لا تمس الدهون فى شىء.
اذا اردت بالفعل اذابة و حرق دهون البطن و الأجناب فعليك بممارسة التمارين ( المشى السريع ، الجرى الخفيف ، السباحة ، ركوب الدراجات الهوائية ) فيما يسمى ب Cardio Training و الايروبك مع تنظيم الأكل الصحى و عدد ساعات النوم و اخيرا تمارين البطن شأنها كشأن أى عضلة بالجسم تحتاج الى نمو .
لمزيد من التفاصيل و الحقائق حول هذا الموضوع ابعتوا اسألتكم للصفحة

- أنا بلعب كتير فى الجيم و بشيل أوزان كتير بس مش شايف أى تقدم !
- طيب إيه التقدم اللى انت منتظر تشوفه ؟
- عاوز عضلات (حجم عضلى ضخم) .
- طيب انت بتأكل ايه حضرتك فى اليوم ؟
- انا بأكل كتير
- أيوة الكتير ده ممكن يكون فى تصورك انت كتير لكن هوا مش كافى للنمو العضلى المطلوب .
- بالرغم من أنى بلعب بطريقة التمرين بتاعت البطل (رونى كولمان ) الا انى مش شايف نتيجة !!
- ايوة مين قال لحضرتك ان طريقته هتكون مناسبة لك ؟ هل انت وزنك 135 كيلو جرام زيه ؟ هل انت بتأكل بنفس النظام الغذائى بتاعه ؟ هل انت نمط حياتك و يومك زيه ؟ هل انت بتتناول نفس المكملات الغذائية اللى هو بيأخده ؟
- لا طبعا .
- يبقى اكيد لا طبعا مينفعش تلعب بنفس طريقته .
يمكن ده يهم الشباب أكتر المهتمه ببناء العضلات و تزويد الحجم العضلى و اللى مبنى على علم مش مجرد تمارين هتشوفها على النت أو من صديق فى الجيم و هتعمل زيها .
فبينما الانسان الطبيعى يحتاج إلى 0.8 جرام من البروتين من وزن جسمه فى اليوم فإن الرياضى اللى محتاج حجم غضلى هيحتاج من 1.2-1.7 جرام بروتين من وزن جسمه فى اليوم وفى بعض الأحيان تصل إلى 2.2 جرام بروتين لكل كيلو جرام وزن .
بمعنى أن لو وزنك 90 كيلو جرام فانت هتحتاج من 108 إلى 153 جرام بروتين فى اليوم ، بالإضافة إلى باقى العناصر الغذائية الأخرى .
أما عن التمارين فلكل مرحلة من بناء الجسم لها تمارين معينة و بتكرار و نمط معين و بنوع حمل معين ، و لا تقتصر تمارين تضخيم العضلات على حمل الأوزان فقط بل تمتد إلى تمارين الإطالات و تمارين الأحمال .
لمزيد من الاستفسار حول هذا الموضوع ابعت للصفحة و هنرد عليك