Fancy Cupcakes
Share
08/01/2023
بجد دي احلي واطعم كيكة برتقال في الوجود وسهله جدا ❤️❤️ طريقة مامتي ومامتك ومامة الاستاذ الي قاعد ورا ده
اعملي زي مابقولك وطبقي الطريقه بالظبط وهتكلي احلي
كيكة برتقال ريحتها تجنن هتقلب ريحه المكان وطعمها تحفه وهشه حلوة قوي مع كوبايه شاي بقي في الشتا والجو الساقع ده تبقي روعه
ورقه وقلم واكتبي ورايا يا ست الكل وخدي بالك من الملاحظات الاخيره والتركات الي انا كتبتهالك
٤ بيضات
٣ كوب دقيق
٢ كوب سكر
كوب عصير برتقال متصفي
نص كوب زيت
كيس بيكنج باودر
م ك بشر برتقال
الطريقه
في بوله هنضرب البيض والسكر ضرب مبرح ( شوفي مين مضايقك ساعتها وتخيلي وشه جوه البوله واضربي ) لحد مالونه يفتح ويتضاعف
هنرش عليه برش البرتقال ونكمل ضرب
ننزل بنص كوب الزيت بشويش والضرب مستمر ( افتكري نفس الشخص الي مضايقك )لحد مايتجانس مع الخليط
في بوله تانيه نخلط الدقيق مع البيكينج باودر ونرش رشة ملح
هنبتدي ننزل بالدقيق علي خليط البيض والسكر علي دفعات بالتبادل مع عصير البرتقال ونقلب بشويش بالاسباتولا علشان مانطلعش الهوا منه
نكون مجهزين صينيه مبطنينها بورق زبده او بزبده ودقيق انا عن نفسي بحط ورق زبده في قاع الصينيه بس
هنصب الخليط في الصينيه ونخبطها خبطتين صغيرين نطلع الهوا الزياده وندخلها فرن متسخن علي ١٨٠ لمده عشر دقايق فبل مانحط الصينيه فيه
نسيبها في الفرن لمده ٤٠ دقيقه وممنوع تفتحي الفرن عليها قبل ٣٠ دقيقه علشان ماتهبطش نختبر نضج الكيكة واول ماتخلص اطفي الفرن وسيبيها ١٠ دقايق وبعدين طلعيها تبرد
ومش لازم تبرد ممكن تتاكل وهي دافيه بتبقي حلوه قوي يعني في جميع حالاتها حلوه وهي بارده وهي سخنه ولا دافيه تجنن
كوباية الشاي بتاعتك بقي وخدي قطعه منها وادخلي اوضتك وافصلي عن دوشة العيال وطلباتهم
هو ده المعني الحقيقي ل me time 😍😍
شوية تركات بقي اخيره اساسيه لنجاح الكيك
لازم كل المكونات تكون بدرجه حراره الغرفه
ممكن تستخدمي زبده بدل الزيت الزيت بيخليها هشه قوي انما الزبده بتبقي دسمه وطعمها غني فعلي حسب انت بتفضلي ايه
الفرن يكون متسخن قبلها علي ١٨٠
ماتفتحيش عليها ابدا قبل نص ساعه
بشر البرتقال حطي عليه معلقة سكر وسيبيه ٥ دقايق هيساعد ان نكهة البرتقال تبقي اقوي
يالا طبقي الطريقه ولو عندك اي سوال اكتبي لي في الكومنتات ولو بعد كل الشرح ده ومكسله تعمليها ممكن تطلبيها من عندنا عادي وهتاكلي احلي كيكة برتقال في الوجود
Click here to claim your Sponsored Listing.
Category
Contact the business
Telephone
Website
Address
90th Road, New
Cairo
Opening Hours
| Monday | 10am - 10pm |
| Tuesday | 10am - 10pm |
| Wednesday | 10am - 10pm |
| Thursday | 10am - 10pm |
| Friday | 10am - 10pm |
| Saturday | 10am - 10pm |
| Sunday | 10am - 10pm |
