Hero Gym

ازاي تشرب مياة في رمضان ؟ ممكن يكون سؤال سهل لأن أسهل طريقة لشرب المياة هي بكل بساطة: شرب الماء، ولكن الكلام دا مينفش دايما في رمضان، عشان كدا هنقسم الموضوع جزئين الأول قبل النوم، يعني من المغرب لحد الساعة 11 مثلا، والثاني ما 11 لحد الفجر، وقت الفطار: اشرب قليل من الماء: في ناس بتبدا فطارها بمية متلجة ودا هيعمل صدمة فجائية للمعدة الفاضية من أكتر من 16 ساعة. والصح أنك تبدأ فطارك بكوباية من الماء العادي حتى لو كنت عطشان جدا، مع اكل 3 تمرات مثلا. وبعد كدا تصلي المغرب ممكن تشرب كوباية كمان ، وبكدة انت دخلت السوائل تدريجيا لمعدتك. حاول متشربش اي حاجة متلجه عشان نوبات الصداع اشرب مياة متوسطة البرودة، لو مصر علي السوائل المتلجه فاشربها علي كذا مرة مش مرة واحدة من الحاجات اللي هتساعدك علي الصيام شوربة الخضار وكوكتيل الفواكة من غير سكر. و الشاي الأخضر، اكل البطيخ والشمام والفواكه الطرية الغنية بالمياة. وبكدة انت شربت واخدت الفيتامينات المغذية والألياف المفيدة. قلل من الكافيين مش قصدي ان الشاي والقهوة مضرين، لكن الكافيين فيهم مدر للبول، ودا معناة انك هتخسر المية اللي بتشربها للصيام و قلل من الموالح زي المخللات والمكسرات والتسالي،هتخليك عطشان وفيها مقدار كبير من السعرات الحرارية والصوديوم.
وقت السحور حاول متتسحرش قبل النوم فعادة أنت مش جعان وقتها وبتاخد سعرات حرارية كتير من غير فايدة ومتشربش مية نوضح اكتر، كل الناس بتشرب كتير جدا ساعه السحور ممكن توصل لترين مية والمشكلة هنا أن الجسم عندة مخزون زيادة ، فالكليتين بيزودوا انتاج البول، وف 3 ل 4 ساعات هتفقد كل المية دي. والنتيجة هتكون عطشان ومجهد طول اليوم والحل المثالي هو انك تاكل أغذية غنية بالماء وينزل في القناة الهضمية بشكل تدريجي، زي الخضار والفاكهة عشان كدا لازم يكون في سحورك سلطة خضرا (طماطم وخيار وخس) بالإضافة لفاكهة زي التفاح أو الموز أو البرتقال. قلل الكافيين والسكريات عشانمتفقدش المية اللي بتشربها وحاول تشرب كل يوم 8 كوبيات مياة
وكل سنه وانتوا طيبين
Hero Gym