Infinity Mov

المصريين الطيبين الي بيفرحو ويكبرو بصواريخ ايران كلمة بعد اذنكم..
اولا لازم تبقى فاهم ان لو لينا عدو رقم ٢ فهي ايران... لا مش أمريكا، امريكا دي وحش ضخم سلسلته في ايد لوبي يعني لو اتفك من السلسلة دي ( وده صعب جدا جدا) هتلاقي سياسته زي سياسة الماني او انجلترا او.. بس ده مش موضوعنا خلينا نتكلم عن ايران.
حضرتك مصري وعايش في مصر مش كدة؟ يعني مش سوري ولا ليك قريب اتعذب من نظام الأسد الي كانت ايران واقفة في ظهره وبتديله كيماوي يضرب بيه شعبه!
لا ده انت كمان مش سوري من اتباع بشار الي اما وقع ايران سابته وطلعت تجري!
اكيد برضو حضرتك مش لبناني ولا عندك حزب تابع لايران عامل لنفسه دولة قانون جديد بوضع اليد وكلامه يمشي علي الكل من اصغر لبناني لحد رئيس الحكومة وده طبعا لخدمة ايران.
بس كدة؟ لا كمان ايران تدعم شوية عيال في اليمن عشان تقرف السعودية ويبقى ليها يد على باب المندب.
عزيزي المصري الطيب كان عمرك كام اما ايران كانت بتحارب العراق ٨ سنوات؟
هم عايزين ايه بالظبط؟ نظام غريب واهدافه اغرب ومحدش بيحبهم في العالم كله ( زي البُعدا كدة بالظبط بس البُعدا امريكا معاهم)

نقطة ثانية انت فرحان اوي ان ايران ضربت صواريخ على اسرائيل واكيد ده شىء يفرّح بس معلش هو اما أ يضرب ب بسكينة و ب يضربه بالقلم يبقى مين الي كسب؟؟
يا بيه القادة الي اتقتلو من ايران صف اول وثاني وعلى رأسهم المرشد نفسه اكتر من عدد الإسرائيليين الي اتقتلو في الضربات دي انت متخيل؟
انت متخيل الفرق الرهيب في قوة الضربات وتحقيق الهدف؟
انت عقلك فين اما تفرح ب 5 او 10 طيارات
اتضربو من اصل 25000 طلعة؟؟
زي كدة ما كنت بتفرح بابو عبيده وشلته وعلى راي علاء مبارك اما حماس احتفلت بنصر ٧ اكتوبر قال ( لو ده نصر امال الهزيمة شكلها ايه)
وبعدين كلمة اخيرة دول الخليج اهلنا وجيراننا وعروبتنا ما يصحش ابدا تفرح ان زفتة الطين ايران ضربتهم!
هم اختارو الحماية الأمريكية وده مش صح في نظرك ( هو مش صح اصلا في نظر اي واحد في سنة اولي سياسة واقتصاد) بس ده اختيارهم واجبارهم
اختيارهم... ترى مين أجوى دولة بالعالم طال عمرك؟
أمريكا
جيب لي دستتين من جوات امريكا وصواريخ ودبابات والاشياء هادي.
واجبارهم لان امريكا بتشم ريحة النفط زي ما اليهود بيشمو الدهب
وهيسطرو عليه بالذوق او بالعافية
ده عايز ايه.. مزز؟ اديله افضل العذارى
، عايز سلطة؟ شيل ابوه وحطه مكانه
خطط وتدبيرات ليل ونهار من الاربعينات مش بتهدا ولا بتنام عشان يضمنو السيطرة علي البترول وحضرتك مش هنا ولا حتي تقدر تقف او توقفهم
المهم ان ده اختيار الاخوة في الخليج وهم احرار في بلدهم انت مش عاجبك كدة براحتك بس مش لدرجة انك تشمت في اخوك ولا تفرح فيه

طبعا المصري معروف بخفة دمه وكلنا شفنا الكومنت الي كان على بوست صاروخ ايراني بيتضرب ومكتوب ( يا حسين) وكان الكومنت المصري ( ده مش وقت شرك بالله خلينا نشجعكم بنفس😅)
شرك... ها؟