H0yummy

ازاى تعرفى ان بشرتك حساسه وازاى تتعاملى معاها صح؟
البشرة الحساسة مش نوع بشرة بقدر ما هي حالة، وبتكون نتيجة ضعف في الحاجز الجلدي
طيب ايه هو الحاجز الجلدى؟
الحاجز الجلدي هو الطبقة اللي بتحافظ على الرطوبة وبتمنع دخول المهيجات والبكتيريا.
في البشرة الحساسة الحاجز ده بيكون ضعيف وفقدان الميه بيحصل أسرع, أي مكون قوي ممكن يسبب التهاب
ازاى تعرفى ان بشرتك حساسه ؟
✨بيحصلك احمرار سريع بعد غسل الوجه أو استخدام منتج جديد
✨إحساس باللسع أو الحرقان فى بشرتك
✨جفاف وتقشر متكرر
✨تفاعل سلبي مع العطور أو الكحول
✨صعوبة تحمل التقشير أو المكونات القوية
البشرة الحساسة بتحتاج مكونات مهدئة ومرممة، أهمها:
البانثينول (فيتامين B5): بيهدّي الاحمرار، يقلل الالتهاب.
السيراميد: بيرمّم الحاجز الجلدي ويمنع فقدان الرطوبة، أساسي في أي مرطب للبشرة الحساسة.
الألوفيرا: مهدئ طبيعي، يقلل الإحساس بالحرقان ويرطّب من غير ما يكون ثقيل على البشرة.
النياسيناميد بتركيز منخفض (2–5%): يقوي الحاجز الجلدي ويقلل الاحمرار، لكن التركيز العالي ممكن يهيّج.
لو عايزين روتين مناسب للبشره الحساسه اكتبولى كومنت🥰

الشعر الصحي محتاج روتين ثابت مش معقد علشان تقدرى تستمرى عليه 😉
البداية دايمًا بتنضيف فروة الرأس بشامبو مناسب، من 2 لـ 3 مرات أسبوعيًا حسب طبيعة الشعر.👩
بعد الشامبو، البلسم خطوة أساسية لأنه بيساعد على ترطيب الشعر بعد الشامبو.
بعد الغسيل، استخدمي ليف إن أو كريم تصفيف مناسب لنوع شعرك، ويفضل دايمًا تجفيف الشعر بلطف من غير فرك عنيف واستخدمى فوطه مايكروفايبر او قطن.😉
كمان تقليل استخدام الحرارة بيفرق جدًا في صحة الشعر على المدى الطويل فبلاش دايما تستخدمى الحراره كل مره بعد الشاور.
وانتوا قولولى ايه الروتين بتاعكوا لشعركوا؟😍

كل البنات اللى بيعانوا من تساقط الشعر يركزوا معايا اوى 👀

الايام الجايه هقولكوا على المنتجات اللى استخدمتها فى ال hair routine بتاعى وساعدتنى لتقليل التساقط بشكل كبير 💃

اول منتج هتكلم عنه دكتوره الجلديه كانت كاتبالى عليه هو

hair mask nanogen 😍

حمام الكريم ده علاجى مش تجميلى بيساعد على تقليل التساقط وبيقوى الشعر وبيساعد فى تقليل الهيشان جدا وكمان ريحته تجنن تحفه تحفه اوووى🥰

ال hair mask ده بقى فيه growth factory اللى بيساعد على وقف التساقط ونمو الشعر وفى كمان زيت ارجان وكرياتين وحاجات تانيه كثير اوى انا صورتلكوا المكونات علشان تقروها كلها بحطه على شعرى اقل حاجه نص ساعه ممكن اسيبه ساعه وبعدين بشطفه وبستمتع بالريحه الحلوه والنعومه🙎‍♀️

وزي كل منتجات العناية النتائج مش هتكون “سحر فوري” لازم استخدام منتظم علشان تشوفي تحسن ملحوظ🤩

سعره غالى بس يستاهل ✨💞