Media Scope

من اهم قواعد التسويق : لا يوجد امكانية لثبات الشركة فى مستوى محدد.. الشركات امّا تتفوق و تتقدم واما تتقهقر وتتأخر لصالح شركات أخرى، لا يوجد وسط"

استنى متعملش سكرول داون

لو عندك منتج بتقدمه للناس او صاحب بيزنس بيقدم خدمه معينة او حتى لسه بتفكر تبدا بيزنس جديد فالكلام ده هيفيدك جدا

بيقولك ياسيدى من اهم قوانين التسويق واللى بيعتمد عليها معظم الشركات الكبيره والمعروفه هو قانون التركيز .

- ايه قانون التركيز ده ياميديا سكوب ؟

هقولك ياسيدى
فيه مقوله عظيمه اوى فى التسويق بتقول

”مفتاح النجاح في التسويق هو إيجاد طريقة فعّالة لترسيخ
كلمة خاصّة بك في ذهن العميل المحتمل“

- يعنى ايه برضه مش فاهم ؟

بص ياسيدى
التسويق من منظور القانون ده هو عباره عن عدسه مكبره بتستخدمها عشان تركز على رسالتك تركيز تام لحد ما تترسخ فى ذهن عميلك المحتمل .

- طب وانا اعمل ده ازاى ؟

تعمل ده عن طريق انك تربط منتجك او فكرتك بكلمه او جمله واحده او مفهوم معين بحيث ان اول ما العميل يسمع الكلمه او الجمله ديه يفتكرك انت ومنتجك علطول
وساعتها هتحقق نجاح كبير فى البيزنس بتاعك وهتضاعف ارباح بشكل ملحوظ جدا لانك خلاص اترسخت فى اذهان الناس .

وتعالى بقى اقولك شويه نصايح مش هيقولهالك غير ميديا سكوب عن ازاى تختار الكلمه او الجمله ديه بشكل صحيح

1- استخدم كلمات بسيطة ومعبرة، وابتعد عن الكلمات اللى بقت مبتذلة زى (أرخص – أفضل – أحسن).

2 - متختارش الكلمات اللى بيدور عليها كل الناس زى كلمه جوده مثلا لان طبيعى مفيش حد هيدور على منتج عديم الجوده مثلا

3 - اختار كلمه دقيقه ومحدده وليها ارتباط بشكل او باخر بالمنتج اللى بتقدمه

وفيه امثله كتير اوى لشركات نجحت لما استخدمت قانون التركيز زى شركه DHL مثلا واللى بقت اشهر شركه بريد سريع حاليا .

كمان شركه " Red Bull " اللى قدرت تنقل قانون التركيز ده لمرحله احترافيه جدا لان شعارها مكنش بيعتمد على كلمات وجمل بس بالعكس ديه قدرت تحول الكلام ده لفعل على ارض الواقع

فنادى " Leipzig RB " اللى تملكه شركه " Red Bull " واللى اتاسس فى عام 2009 انه خلال سبع سنين بس يتنقل من دورى الدرجه السابعه لدورى الدرجه الاولى
ده كمان قدر يحتل المركز التانى فى الدورى عام 2016 وكانه اثبات حقيقى للشركه انها فعلا مشروب للطاقه

واخيرا بقى اوعى تنسى

”مفتاح النجاح في التسويق هو إيجاد طريقة فعّالة لترسيخ كلمة خاصّة بك في ذهن العميل المحتمل“

اما ان تكون مبدع فى عملك او تعتزل ما تسميه مهنتك

اعلان لماكينه الحلاقه الشهيره " Gillette " فى احدى مباريات الهوكي