El Deizel

🔥🔥⚡

اللهم امين

⚠️ تنبيه هام لأصحاب محلات الموبايلات والعملاء (عشان متلبسش في الحيط) ⚠️
لو بتعمل Apple ID (إيميل آيكلاود) جديد لعميل، أو بتشتغل "إيميلات جاهزة".. ركز في الكلمتين دول عشان
تحفظ حقك وراحة بالك:👉
🛑 المشكلة: "فشل التحقق - حدث خطأ غير معروف"
المشكلة دي (زي اللي في الصور) بدأت تظهر كتير مؤخراً، ومعناها إن الحساب أصبح Not Active (غير نشط) من شركة أبل نفسها، وغالباً ملوش علاقة بشغلك كمحل، لكن العميل مش هيفهم ده وهيجيلك يقولك "أنت اللي عامل الإيميل وأنت اللي عملت الميل وانت الي تحل !".
✅ النصيحة الذهبية (الحل الوقائي):✅
أول ما تعمل الإيميل وتفتحه على الجهاز، اقفل خاصية 🔐Find My (العثور على الـ iPhone) فوراً! 🔐
* ليه؟ عشان تسيب الإيميل "تحت التجربة" لمدة شهرين على الأقل.
* لو الإيميل وقف أو حصلت فيه مشكلة وهو مقفول منه الـ Find My، هتقدر تخرج منه بسهولة وتعمل غيره.
* لكن لو الـ Find My شغالة والإيميل وقف "Not Active"، الموبايل هيتحول لقطعة حديد مش هتعرف تبيع وفي لحظه لو وقف وعملت ريستور ممكن تتورط (Lock) وهتدخل في دوامة فك رسمي وتكلفة عالية وشكوى من العميل.
💡 نصيحة للعميل وللمحل:
* لو ظهرتلك الرسالة دي: أرجوك "متحاولش كتير" وتفضل تجرب باسوردات غلط، لأنك كده بتصعّب الحل وبتقفل الحساب نهائياً.
* التوجه للمتخصص الي هو احنا يعني 😎: أول ما تظهر المشكلة، كلم حد فاهم يتعامل مع دعم أبل مباشرة عشان يرجع تنشيط الحساب قبل ما يقفل للأبد.
يا ريت كله يخلي باله، المشكلة في سيرفرات أبل مش فيك ولا في العميل، بس الوقاية خير من فك الأيكلاود بآلاف الجنيهات! 😎📱

بص ياعم احنا بتوع الغلابه يعني بنبيع تفاح بلدي ملناش في ال امريكاني