Ask Fatma

I am proud to announce that I am an 2024 Regional Finalist!

كيف اتخلص من التسويف / التأجيل؟
الخلاصة
1. تحديد الأهداف بوضوح: و الهدف هنا هو كتابة الاشياء اللى عايز تنجزها و مالجلها ... الكتاية بتفيد فى انك تشوف اللى وراك وكمان تقدر ترتب اولياتك

2. تحديد أولويات المهام: ودى على حسب ايه المهم / المستعجل / الضروى / اللى ممكن يتأجل
3. إنشاء جدول زمني: اومال ها اكتب اللى ورايا و اسيبه فى الفراغ اقل ما فيه اكتب يوم محتاجة اخصله فيه
4. ابدأ اشتغل و ابعد عن اى حاجة تشتت تفكيرك ( زى الموبايل ) بنعمله ميوت
5. وابدا اشتغل على المهام وفى طريقتين حلوين ( بنختار اللى يناسبك)
- اقسم المهام الكبيرة الى مهام صغيرة و ابدا اشتغل على الصعب وده بيتقال عليه ( Eat the frog) و الهدف منه انى احس بالانجاز اللى عملته لما اخلص حاجة صعبة ... لكن بالتجربة فى ناس بتحبط لما الشغل ياخد وقت طويل فا ما فيش مشكلة ابدأ بالسهل فا انجز .... اختار ما يناسب شخصيتك
- الطريقة التانية اقسم وقت اركز فيه و ها تفيدك لو مش بتعرف تركز لفترات طويلة و اسمها Pomodoro Techniqu - وفيها بشتغل لمدة 25 دقيقة، ثم خذ استراحة لمدة 5 دقائق. بعد أربع دورات، خذ استراحة أطول (15-30 دقيقة).

6. تحفيز النفس احتفل بالإنجازات الصغيرة و الكبيرة

7. اطلب مساعدة الاشخاص حواليك .. و الاهم لو اصدقائك كلهم بيأجلوا غير دايرة معارفك .. الصاحب ساحب وقعدتنا مع بعض حلوة بس مش ها ننجز

8. العب رياضة حتى لو ها تتمشى

اكتبولى و ابعتولى لو حابين نتكلم فى مموضوع معين او عندكم حاجة فى الشغل محيرة و نفتح الموضوع و نستفيد من خبرات بعض

#ببساطة
-

أسباب فشل الشركات الناشئة :
الخلاصة من سؤال الصبح
نسبة نجاح الشركات الناشئة بشكل عام مش فى مصر بس لا تتعدى 5% ودى نسبة معروفة عالميا ... مش فى مصر بس .... وده بيرجع الاسباب كتير
- فريق العمل و الخلافات اللى بينهم و عدم تكاملهم وو اتفاقهم الواضح على الادوار
- التمويل : كتير من الشركات الناشئة بتبدأ الشغل من غير تمويل بحثا عن جذب الاستثمار مع ان اللى جو المجال عارف تماما ان المستثمر بيثق فى الشخص اللى بيستثمر فلوسة اولا و طبعا فى الاشخاص
- التخطيط الاستراتيجى : بنشوف كتير شركات عندها فكرة حلوة جدا لكن اول ما يكبروا يفشلوا لانهم مش عارفين يشتغلوا على خطط للنمو و كمان للبقاء
- - المنافسة الشديدة و طبعا لو انا عارف اكبر ازاى وسريع ومرن وعندى القدرة على تعديل المنتج بناء على احتياج السوق فعليا وده بيجى و انت بتختبر MVP
- قلة الخبرة الادارية ... ودى ممكن تتحل لو انت بتسمع وعندك استعداد تتعلم
- واخيرا وده وجه نظرى ومن خبرتى فى المجال و الشركات اللى تقابلت معاهم .... لما تبدؤا الشركات الخاصة بيكم اتعلموا تبنوا وتكبروا مش مجرد البحث عن مستثمر و دخول دورات استثمار .. اللى بيبنى بيكبر ... ابنى و سيبها على ربنا لكن خد بالاسباب


#ريادةالاعمال
#ببساطة