Events Pictures

مساء الخير عليكم
بعيد عن الايفينتات والجروبات الكبيرة المعروفة،،
كل فترة بلاقى ناس لسه بتسال عن جروبات صغيرة او مجموعات صغيرة من الرياضيين اللى ممكن ينضموا ليهم لتشجعهم على ممارسة الرياضة سواء الاستمرار او كا مبتدئين.. ده حقيقي لسه فى ناس بتسال وناس متعرفش ان المنطقة اللى مقيمين فيها ممكن يكون فيها مجموعات رياضية صغيرة بتنزل الصبح تمشى او تجرى .. ياريت تشاركونا فى البوست ده.. تقولنا انت بتنزل تجرى او تمشي فى منطقة ايه وامتى فى ايام الاسبوع.. ربما تلاقي حد ينزل معاك يشجعك او انت تشجع حد معاك وتكون سبب فى تغيير حياته
💪💪

في ذكري مولد الاسطوره الامريكيه جيم ماكلارين الذي كان له اثر كبير في تغيير حياه الكثير والهامهم سوف نتحدث عنه باختصار
الاسطوره جيم ماكلارين كان لاعب كره بارز ورئد رياضي في اكاديميه فورمنت
سنه ١٩٨٥ وهوه عند ٢٢ سنه فقد قدمه اليسري من فوق الركبه بسبب حادث اصطدام شاحنه بدراجته الناريه
الدكاتره قالوله مش هتقدر تتحرك وتعمل العاوزه ولكنه تعافي بارادته وبداء يشارك بقدم واحده في سباقات السباحه والعجل والجري قدر يخلص ماراثون في زمن ٣ ساعات و ١٦ دقيقه وده زمن قوي كتير جدا من العدائين ميقدروش يوصلوله واشترك في مسابقه الرجل الحديدي وهيه من اصعب السباقات التحمل في العالم وهيه عباره عن انه يسبح في ميه مفتوحه وبقدم واحده ٣٨٠٠ متر وبعدها يركب عجلته لمسافه ١٨٠ كم وبعدها يجري ٤٢ كم قدر ان ينهي هذا السباق في وقت مميز جدا خلال ١٠ ساعات و ٤٢ دقيقه
في عام ١٩٩٣ كان في مسابقه من مسابقات الثلاثي وهوه بدراجته اصطدمت به سيارت مسرعه نقل الي المستشفي واصيب بشلل وعدم مقدرته تحريك الجرء السفلي من الجسم
وبقي قعيد لي كرسي متحرك راح بفتره للسباق الايرون مان بس المره ديه كمشجع والهم جميع الموجودين
ناس كتيره تاثرت بيه زمايله قررو يعملوله مسابقه خصيصا لجمع تبرعات ليه ويجبوله كرسي متحرك يقوده بيده فقط وكان الهدف جمع تبرعات ٢٥ الف دولار
وفي السباق ده التبرعات والحضور فاق المتوقع وقدرو يجمعو ٤٨ الف دولار وديه كانت بدايه لتاسيس مؤسسه كبيره لدعم متحدين الاصابات ودعمهم رياضيا
ولحد الان المؤسسه ديه جمعت ٢٨ مليون دولار وبقت من ابرز المؤسسيات في امريكا
كان ليه دور كبير قوي في الهام الكثيرين في انه يكملو ويحققو انجازات غير مسبوقه وتشجيع متحدين الاصابهفي انهاء مسابقات الايرون مان والماراثونات

البطل ده عمره ٧٥ عام من فرنسا كان مشارك امبارح في هاف ماراثون الأهرامات ورغم صعوبه المسابقه بوجود مطالع قويه أثناء الجري الا انه قدر ان يجري لمده ٣ ساعات و ٨ دقائق متواصل ويكمل للنهايه وينهي جري ٢١ كم متفوقا علي ٢٦٩ متسابق
كل التحيه والتقدير له
الصوره من تصوير Events pictures قبل نهايه المسابقه ببضعه امتار