Relo cakes
Share
عميلة بتسألني عن تكلفة تورتة وحجات لحفلة عيد ميلاد عندها وبعتت الشكل
انا قولتلها ٨٠٠ ج
قالت ليييييييييييه غالية قوي
ف سألتها حضرتك تفتكري دا يتكلف كام؟
ف قالت يعني ب الكتير ٤٠٠جنية دا سهل
قولتلها تمام حضرتك تقدري تعمليهم ب ٤٠٠؟؟
قالت بس انا مش بعرف اخبز ولااغلف تورتة ولامجسمات
قولتلها مش مشكلة انا ممكن اعلمك تعمليهم ازاي
مقابل 200 ج وهاتوفري ٦٠٠ وكمان هاتبقي اتعلمتي ازاي المرة الجاية تعمليهم من الالف للياء
وافقت فعلاً ف قولتلها جهزي بقي صواني مقاسين وبيض ودقيق وشوية كريمة والوان غذائية وشوكلت ونوتلا و كام قاعدة وسبرينكل وقمعين عالاقل لزوم تقفيل الشغل
ف ردت انها مش عندها لا الوان ولا اقماع ولا خامات ولا حتي صواني عالية للخبز ومش ممكن هاتشتري عشان شغلانة واحده
فعرضت اني اأجرلها أدواتي وخاماتي مقابل 200 ج
ووافقت الصراحة
ف قولتلها حلو قوي مستنياكي يوم الاربع نشتغل بس للأسف ردت عليا انها مشغولة جداً ومش هاينفع تسيب شغلها وتيجي الاربع هيا كانت فاضية النهاردة بس
ف قولتلها اسفه لاني مش متاحة غير الاربعاء عشان اعلمها و اأجرلها الحاجات بتاعتي ف اضطرت تعمل اجازة من الشغل وتسيب مصالحها عشان اعلمها ازاي تعمل تورتة واصناف لحفلتها... ودا كلفها خصم يوم للأسف
ولما قالتلي هنتقابل امتي قولتلها مستنياكي الساعة 8 الصبح نبدأ ان شاء الله
هنا اعترضت خالص لانها متعودة تنام وتصحى براحتها على ٨ونص وتنزل شغلها ٩ونص تبقا فالشركة ١٠
ولاقيتها فجأه بتقولي خلاص يا ايمي انا فهمت انتي بتعملي كده ليه
الرسالة وصلت
اتفضلي ال ٨٠٠ ج انا كدا كدا حتي لو اتعلمت مش هاطلع الشغل زيك من اول مره
قولتلها الله ينور عليكي😊😊
خليكم دايماً فاكرين،، انتم مش بتدفعوا تمن المنتج او سلعة
انتم بتدفعوا اللي ورا النتيجة النهائية دي:
تعليم
خبرة
دراسة
ادوات
وقت
مجهود
التزام بالمواعيد
امان
احترافية
المهم انك قبل ما تحكم علي سعر اي حاجة
خليك عارف ان في وراها تعب وشقي سنين
خاصة لو حاجة فنية او يدوية تحديدا 🎂🍰🥧🧁💪💪
منقول للعبره والعظه 😂
Click here to claim your Sponsored Listing.
Telephone
Website
Address
6 October City
Cairo
02
Opening Hours
| Monday | 9am - 10pm |
| Tuesday | 9am - 10pm |
| Wednesday | 9am - 10pm |
| Thursday | 9am - 10pm |
| Friday | 9am - 10pm |
| Saturday | 9am - 10pm |
| Sunday | 9am - 10pm |
