Silent lines

الحدود مش قسوة،
ولا تحكم،
ولا شك.

الحدود احترام.

احترام لمشاعر الطرف التاني،
ولراحته،
ولحاجته إنه يحس إنه مهم.

العلاقة اللي مفيهاش حدود واضحة،
بتبقى مفتوحة على سوء الفهم،
وعلى الغيرة،
وعلى وجع كان ممكن ما يحصلش.

اللي يزعل من حدودك،
مش زعلان عليك…
زعلان إنه مش عارف يتخطّاها.

✒️

الغيرة مش دايمًا عدم ثقة في النفس…
ولا دليل ضعف زي ما ناس كتير بتحب تصوّرها.

أوقات الغيرة بتكون رد فعل طبيعي،
لإن الطرف التاني ما عرفش يطمن،
ولا حافظ على الحدود،
ولا خلّى وجودك أمان مش قلق.

مفيش إنسان سوي بيغير من غير سبب.
الغيرة غالبًا بتطلع لما الإحساس بالأمان يهتز،
ولما الكلام يبقى ملتبس،
والتصرفات تفتح باب شك بدل ما تقفله.

الثقة مش طلب…
الثقة نتيجة.

واللي عايز شريك هادي،
لازم يكون هو الأول واضح،
محترم،
ومش بيلعب على مشاعر اللي قدامه.

✒️

مش كل الصمت ضعف…
أوقات بيكون آخر محاولة نفهم نفسنا.

Silent Lines ✒️