Eye Light

#الليزك
هل عمليات الليزك لتصحيح البصر تسبب جفاف للعين ؟؟؟
نعم تشير الدراسات إلى أن بعض المرضى يعانون من جفاف العين بعد عملية الليزك لتصحيح البصر , ومن هؤلاء ما يزول هذا العرض بعد فترة ولكن منهم للأسف ما يتطور نحو متلازمة العين الجافة التي تحتاج إلى استخدام القطرات الصناعية مدى العمر , كما لوحظ أن من يعانون من جفاف العين أصلا لا ينصحون بعمل عملية الليزك حتى لو كان عندهم ضرورة كبيرة لعملها وذلك لأنها تزيد من احتمال جفاف العين بشكل كبير كما لوحظ أن من يعانون من جفاف العين ويجرون عملية الليزك تكون النتائج المرجوة من العملية لتصحيح النظر أقل فائدة ونجاحا من أولئك الذين لا يعانون من جفاف العين

#ليه فيه ليزك غالي وليزك رخيص ؟
1- فيه أنواع كتير من عمليات تصحيح الإبصار ، زي الليزك السطحي والليزك التفصيلي والفيمتوليزك والفيمتوسمايل ، كل عملية من العمليات دي لها خصائص مختلفة ، بعض العمليات زي الليزك التفصيلي Topography guided LASIK بيحتاج جهاز إضافي لرسم خريطة القرنية قبل اجراء العملية عشان كدة بتكون أغلي ، لكن في نفس الوقت النتيجة بتكون أدق.
2- بعض المراكز اللي بيتعمل إعلانات عن الليزك بسعر رخيص ، بتتعامل بسياسة لا تليق بالطبيب ، هي ببساطة بتعلن عن سعر رخيص عشان تستدرج العميل ، وبعد لما يروح لها تفاجأه إنه محتاج عملية أغلي.
3- بعض المراكز بتعلن عن حاجة اسمها ليزك ببصمة العين ، وبتضع تكلفة إضافية علي استخدام بصمة العين Eye tracker والحقيقة انه شيئ الزامي لازم استخدامه ، ولذلك اجراء عملية رخيصة بدون بصمة العين يؤدي إلي نتائج كارثية. المفروض اننا منعنا استخدام الليزك بدون بصمة العين من زمان.
4- لازم تتأكد انك هتعمل الليزك في مركز عيون متكامل وان اللي هيعمل لك العملية دكتور عيون متمكن ، بعض الأماكن مابيكونش فيها دكاترة عيون متخصصين وبيكونوا أطباء تحت التدريب ، بيكون مجرد مكان فيه جهاز ليزك فقط وشباب تحت التدريب ، وبيتعامل بسياسة السوبر ماركت عاوز عدد كبير وخلاص. ولذلك بنجد مشاكل كتير جاية من عندهم بسبب القرارات الخطأ والنتائج الكارثية عشان الشغل بدون معرفة وبدون خبره وبسعر رخيص.
5- في أجهزة بتنزل جديدة مابيكونش حد عنده أي معلومات عن مدي قدرتها ومدي كفاءتها ، الأجهزة دي بيستخدموها عشان يجمعوا بيانات عن النتائج من خلال المرضي في الدول الفقيرة زي مصر والهند ، الأجهزة دي لو طلعت كويسة بينزلوها بعد كده في أوروبا وأمريكا ، لو مش كويسة ما بينزلوهاش ، عشان كده دايماً اسأل عن نوع الجهاز وهل هو معتمد من هيئة الأغذية والأدوية الامريكية واللا لأ FDA ، معظم الأماكن اللي بتعمل إعلانات عن ليزك بسعر رخيص بيكون عندها أجهزه غير معترف بيها من ال FDA
6- في أدوات المفروض انها بتستخدم مرة واحدة فقط وبعدين نتخلص منها ، الأدوات دي في مراكز بتعقمها وتستخدمها أكتر من مرة عشان ترخص سعر العملية !!
7- الليزك مش عملية وبس ، الليزك فحوصات قبل العملية ومتابعة بعد العملية ، كل ما كانت الفحوصات والمتابعة بتتم علي أجهزة حديثة وبتاخد وقتها كل ما ده بيتكلف أكتر ، الأجهزة دي مكلفة جداً ، عشان كده ماتصدقش ان حد هيعمل لك كل ده بالتكاليف البسيطة دي.
8- لازم تقعد تتكلم مع الدكتور اللي هيعمل لك العملية عشان انت بنفسك يكون عندك تقدير لخبرته وقدراته.
9- من الحاجات اللي بتخلي سعر يختلف عن سعر هو أجر الدكتور اللي هيشتغل ، زي ما في دكتور كشفه 100 والتاني كشفه 500 ، برضه أجر الدكتور بيختلف في الليزك ، صحيح مش لازم تعمل عند أغلي واحد ، لكن برضه ماتسترخصش عشان دي عينك ، والفرق ده انت اللي بتستفيد بيه.
10- عينك أهم من الموبايل وأهم من حاجات كتير انت ممكن تدفع فيها أكتر بكتير من عملية الليزك ، انت ممكن موبايلك يتسرق وتشتري موبايل تاني ، لكن العين مابتشتراش تاني ، عشان كده ماتسترخصش.