VEGA Advertising

فى Entrepreneurs كتير بدأوا بفكرة صغيرة وبإيمناهم بيها قدروا يوصلوا لهدفهم، ده اللى حصل مع عزة فهمى... كتاب صغير غير حياتها 180 درجة وخلاها من أحسن مصممى المجوهرات فى العالم!
لما تمتزج عبقرية التصميم مع حرفه يطلع فن من نوع آخر، عزه فهمى خلقت نوع جديد من الفن و هو فن المجوهرات ،وده لما اشترت كتاب عن المجوهرات الكلاسيكية فى العصور الوسطى.دخلت عزة فنون جميلة عشان تعرف أكتر عن الفن . بعد ما خلصت قررت تنزل تتدرب فى ورشة فى خان الخليلى طبعاَ وقتها كان الرجالة بس هى اللى بتشتغل هناك بس، إتحدت الناس كلها و نزلت فعلاً عشان تتعلم أصول الصنعة.
بعد سنتين من شغلها فى الخان قررت تبداْ مشروعها الخاص، كانت بتعمل خواتم فضة لصحابها وبعض من الصحفيين والمثقفين معارفها بجانب شغلها فى الحكومة .
ضربة العمر بداْت فى السبعينات لما جتلها منحة من ال British council بإنها تروح مدرسة لتعليم فن صناعة المجوهرات .
فى بداية الثمانينات، رجعت عزة وفتحت اول workshop ليها و كان وقتها اتنين بس اللى شغلين معاها ... مكنش هدفها تعمل مجوهرات تقليدية ..لأ دى كانت عايزة تبقى Unique فبدإت تقرأ عن الفن والثقافة و المعمار الإسلامى وده كان أول مجموعة ليها مستوحاه من النوبة و المعمار المصرى وكان إسمه "House of Nile" أو بيت النيل والتصاميم عبارة عن بيوت من طين و نخل و صخور و ده كان حاجة عبقرية إنها تعمل كده.
كانت بتحب الشعر ، فبداْت تصمم سلاسل و خواتم و حلقان مكتوب عليها بيوت شعر. الحاجة المميزة إنها قدرت تمزج بين الفضة و الذهب و تعمل لوحه فنيه بيهم فى تصميمتها.
عزة فهمى أول مصممة مجوهرات فى مصر قدرت انها تحول الحرفة لفن عظيم!

دور VEGA إنها تقدملك ال Marketing & Advertising اللى أنت محتاجه عشان توصل لحلمك

"WE ARE NOT CREATIVE, WE ARE INVENTORS"