Al Ahly Fans

احمد فتحى : فى يوم كنا بنلاعب القطن الكاميروني ف الكاميرون ف ابو تريكه جه قالى قبل الماتش ابوس ايدك يا فتحى بلاش عرضيات قويه اديك شايف الملعب صغير اهو جو انك تصطاد عصافير ده مش هنا ... قلتله متقلقش يا تريكه هنكسب ان شاء الله ... ف عملت ف الماتش ده ٣ عرضيات الـ ٣ كانوا ف كشافات الاستاد ... ف مانويل جوزيه طلعنى و نزل مكانى احمد صديق ...
و احمد صديق كل ما يجى يرفع كورة تقوم خابطه ف المدافع و طالعه ... ف كان فيه لاعيب اتصاب والماتش وقف و لاعبيه الاهلى كانت واقفه تشرب مياه على الخط وتستريح ... ف بركات قال للاعبيه شدوا حيلكم شويه يا رجاله ... لقيت ابو تريكه بيقول لـ بركات نشد حيلنا فين يا بركات عندنا ٢ باك واحد بيصطاد حمام و التانى مدافعين القطن الكاميروني هتروح تكشف على نفسها بعد الماتش بسبب العرضيات اللى كانت بتيجى فيهم ... انا واقف معاهم و كاتم الضحك والله و خدت نفسى و رجعت على الدكه ... ف لقيت بركات بيقول لـ ابو تريكه خلاص يا تريكه اى فاول هيجى لينا انا اللى هلعبه وان شاء الله تخطف واحده على القريبه ف جه فاول من مكان حلو للاهلى لقيت بركات واقف على اللعبه و يجى ٧ لاعبيه من الاهلى جوه الـ ١٨ انا قلت خلاص ده الجول بقى ... لقيت بركات و عينك ما تشوف الا النور احنا كنا ف الكاميرون بس الكورة راحت غانا و بركات بعد الكورة دى عمل نفسه مصاب وان الارضيه وحشه بس هو عمل كده عشان خايف من ابو تريكه ف الحكم وقف اللعب عشان يشوف بركات ماله و طلب من الدكتور ينزل يشوفه ... ف لقيت ابو تريكه بيقول للدكتور خليك يا دكتور ده بيمثل وانا عارفه و تريكه قال لـ بركات قوم يا بركات خلاص انا مسامحك بس انا نفسى اعرف ذنب الحمام اللى ف السماء ايه ... واحنا على دكه البدلاء هنموت من الضحك بس الحمد لله كسبنا ف الاخر 😂😂😂😂😂😂😂😂😂😂😂😂😂

عاصفة إسراء المحملة بالاتربة تتجه نحو مصر