RasheeQ

بما اننا عارفين ان التجمع بيتوه وبقالنا فتره انا والTeam بنتوه عشان نحفظ العنوان ونجبلكوا اسرع واسهل طرق للوصول لرشيق :D

فهنشرحلكم كل الطرق اللي تخليكم توصلوا المكان من غير توهان خالص
اولا لو بعربية شايف شارع التسعين اللي فوق ده؟ هتلاقي النبك الاهلي علي شمالك اول ما تشوفه اعرف انك داخل اليمين اللي بعده بدقيقه كده, طب اعرف اليمين ده ازي؟ هتلاقي علي نفس صف البنك الاهلي قدام اليمين ده الناحيه التانيه البنك الامراتي الدولي

بعد ما هتخش يمين هتفضل علطول لحد ما تلاقي صنيه كبيره وتخش منها يمين تعرف منين ان دي الصنيه الصح؟ هتلاقي علامة مكتوب عليها "محكمه القاهرة الجديده وسهم يمين" ادخل مع السهم هووب هتقبلك صنيه كمان تخش منها شمال هتكمل علطول هتلاقي صنيه برضو, عديها وتكمل علطول هتلاقي صنيه تانيه بعدها دي اسمها صنيه العمال تخش منها شمال في شمال صغير في يمين صغير كده, بس يا سيدي وهتلاقي الفيلا علي يمينك
فيلا 103 التجمع الخامس الحي التالت المنطقة التالته هتدخل من الباب اللي علي اليمين.

طيب ده بعربية, لو بمواصلات بقي اعمل ايه؟

اركب للحي العاشر ، وااسأل هناك على المكروباصات اللي بتروح التجمع عند صنية العمال ، انزل صنية العمال وهاتعرف توصلنا من على map بسهولة

ولو انت جاي من الجيزة او قريب من الجيزة ، هتلاقي في المنيب ، مكروباصات بتروح التجمع الخامس عند الغاز ، اركبها وانزل هتلاقي عربيات سزوكي صغيرة هتجيبك لحد صنية العمال برضه

المنقطه اللي بالون الاحمر دي المنقطه التالته في الحي التالت لو مش شايف من الصوره وحابب تمشي علي الmaps لحد ما توصل وطبعًا النجمه هي الفيلا :D

ركزوا مع الصواني في الطريق وصواني الاكل يا جماعه هتنبسطوا :D

بمناسبة ال opening بتاعنا ، اعمل شير للبوست ده .....upload صورة اكلك اللي طعمه حلو ومش صحي اللي كلته انهارده في كومنت على البوست اللي انت شيرته

وهايبقى عندك فرصة انك تاخد من عندي وجبة صحية وطعمها حلو ببلاش خلال ايام الopening التلاته

share this post and upload a photo of your meal in a comment and you will have the chance to win a free healthy meal from RasheeQ during our three days opening

ال detox water هي حاجه مهمة جدا لو عايز تحافظ على صحتك وكمان هتلاقي طعمها حلو ، قلنالكو قبل كده انها مهمة لما اتكلمنا عن ال metabolism ودي فوايدها

-بتساعد جسمك في انه يتخلص من كل المخلفات الزيادة عن حاجته بصورة طبيعية لانها بتساعد القولون والكبد انهم يشتغلوا بصورة احسن

-بتساعدك في انك تفقد الوزن بسرعه لانها بالاساس متكونه من مكونات طبيعية ومفيدة للجسم زي الميه ونوع الفواكه اللي بيبقى فيها

-بتقوي جهازك المناعي لانها بتساعد جسمك في انه يشتغل ل باحسن طريقة ممكن يشتغل بيها وبصورة طبيعية

-كمان للبنات بتحسن من حالة جلدك وبتخليه اكثر صحة بدل ما تستخدمي مواد كيماوية قد يكون ليها اثار جانبية او اضرار على المدة البعيد

-بتخليك تتنفس احسن وده بيحسن من صحتك لان كل ما تتنفس احسن كل ما الجسم خد الكمية اللي محتاجة مظبوط من الاوكسجين

-لو انت عايز تشتغل احسن او تفكر احسن او تعمل اي حاجه بصورة احسن فهي بتخليك تفكر احسن وبتصفي ذهنك

لو معندكش وقت تعملها بنفسك تعالا خدها من رشيق او اطلبها واحنا هانجيبهالك او تعالا ال opening وهتلاقيها عندنا

تقدر كمان تقرا اكتر عن فوايدها من هنا :

http://bembu.com/detox-benefits