Home Management 101

صباح الخير عزيزاتى مديرات البيت وكل محبى التنظيم فى كل مكان.... لا تنسوا أن:

صباح التنظيم

ولا ميزانية المدارس لازم تتحسب بعيد عن مصروف البيت لأن فيها بنود كتير خاصة بها وبوقت الدراسة فقط وكمان تتراجع لوحدها عشان أعرف ألمدرسة بتكلفنى اد ايه! يعنى احاول اعمل لها قايمة خاصة و حتلاقو مثال للقائمة دى فى الكومنتات

🖍شراء المستلزمات
قبل ما نمسك ورقة المستلزمات الدراسية المطلوبة ونذهب للشراء علينا أولا القيام بجرد لما لدينا بالفعل من بواقى العام الماضى. وقد نفضل القيام بذلك الجرد قبل بدء الدراسة. ميزانية مشتروات الدراسة من الأدوات المكتبية أو ملابس المدرسة لا بد من تحديد ميزانية خاصة لها منفصلة تماما عن مصروف البيت يتم تحديد بنودها حسب احتياجاتنا وبعد القيام بالجرد.
فمثلا بالنسبة للملابس، علينا جرد المتبقى من العام الماضى وتحديد هل سيتم استخدامه مرة أخرى أم تغير المقاس وهكذا ثم تحديد العدد المطلوب من كل قطعة من الملابس.
وبالمثل بالنسبة للأدوات المكتبية مع إضافة أن بعض الأغراض قد نحتاج إلى شراء المزيد منها كمخزون إضافى وهى الأغراض التي تستعمل بكثرة كالأقلام الرصاص مثلا ولكن لا داع لشراء كمية كبيرة من كل الأدوات بلا استثناء.
💰يمكننا الإستفادة من مبدأ الشراء بالجملة من المتاجر الكبيرة بعد حصر الأعداد المطلوبة لكل الأبناء. استخدمى ورقة وقلم لكتابة قائمة المشتروات حتى لا تنسى غرض ما.
يراعى طبعا عمر الأبناء والسنة الدراسية والإحتياجات الخاصة بها.

🥤علب الطعام Lunch Box
لا أنصح بشراء علب طعام أو زجاجات مياه غالية الثمن حين أنها – بالتجربة العملية- تتعرض للفقد ولضغوطات كثيرة طوال العام وقد نحتاج إلى شراء غيرها في كل الأحوال.

👛مصروف اليد
حسب ظروف كل أسرة وبناء على مناقشة بناءة بين الأهل والأولاد يتم الاتفاق على ما إذا سيتم إعطاء مصروف للأولاد أم لا وكم سيكون المبلغ وبالاسبوع ولا باليوم ولا بالشهر زى الكبار. وقد تفضل الأسرة ويتم الاتفاق على عدم أخذ مصروف واستبداله بإرسال كل طلباتهم المفضلة معهم من المنزل بعد شرائها بالجملة. وذلك أفضل لضمان نوعية الطعام ومدى صحته. في حالة الاتفاق على مصروف يومى أو أسبوعى فلا بد من وضع قواعد خاصة له مثل عدم شراء أغراض معينة مضرة وعلى المدة الزمنية التي يغطيها المبلغ وبالتالي كيفية الحكمة فى استخدامه.

🎒رفاهيات المدرسة والاجتماعيات
دلوقتى الأسعار بقت غالية وكمان الجودة بتاعة الحاجات مش أوى ... وكل واحد معاه حاجات مختلفة عن زميله وده طبيعى فلازم كل أم تتكلم مع ولادها وتفهمهم وتتفق معاهم ان كل واحد بيشترى اللى يعجبه ويناسبه ومش لازم أشترى زى اللى مع أصحابى المهم انها تكون حاجة عاجبانى. وكمان لازم شوية بشوية حسب السن أبدأ افهم أولادى الأسعار وقدرتنا الشرائية وطريقة الشراء الصحيحة وأتفق معاهم وأفهم وأقنعهم مش بس للدراسة لكن لحياته عموما.

🛒ضاعت ... هل حنشترى غيرها؟
فى أولاد لما الحاجة بتضيع مبيحاولش يدور عليها
وفى أولاد لو حاجة وقعت منه مبيجبهاش
وفى أولاد مش بتاخد بالها بتحط الحاجة فين او ازاى جوه الشنطة
يمكن دى تكون تفاصيل أوى ودقيقة اوى لكن كأم لازم تكون بالنسبة لى أساسية انى أعلمهالهم وأوضح لهم وأعودهم يخافو على حاجتهم ولو ضاعت يرحو يدورو عليها ويسألو زى ما بدقق على النظافة الشخصية او الأكل وغيره.
ولازم نتفق لو ضاعت حاجة حشوف اجيبلك غيرها ولا لأ... ولو قطعت أو كسرت حاجة لازم احاسبك وشوف ايه اللى حصل ولو ثبت انه غصب عنك اجيب غيرها ... يعنى لازم الاعتدال .... يعنى مش عقاب دائم ولا دلع دائم.
#الميزانية ٔسلوب_حياة #مصروفالبيت #الإعتدال #المدرسة #دراسة