SKU

لو معنديش فكرة ابدأ بيها Online business أعمل إيه؟ 🤔

الـ Online business محتاج تسويق جيد جدا "دى قاعده ثابته" .. و أكتر تسويق بيجيب نتيجة حقيقية هو تسويق المنتجات .. يعني تقدم منتج وتحل مشكلة عند الجمهور من خلال المنتج بتاعك.

وعلشان تقدم منتج بيحل مشكلة محتاج حاجتين، محتاج تحدد المشكلة اللي عند الجمهور، وفي نفس الوقت محتاج تعرف اذا كان عندك حل للمشكلة دي ولا لأ.

ممكن تبدأ تشوف إيه المهارات والخبرات اللي عندك، و تشوف الخبرات دي بتحل مشاكل إيه عند الناس. إسأل نفسك، إنت عارف إيه أو مهتم بإيه وعندك خبرة كويسة فيه و تقدر تقدمه للناس؟

ومن هنا تعمل تعريف سليم للمشكلة والمنتج الى هيحلها و نوعية الناس اللي محتاجين الحل ده .. حتى لو حاجه بسيطه زى انهم بيدوروا على هدايا.

المهم تختار مجال انت بتحبه وتقدر تكمل فيه مهما حسيت بملل أو صعوبة.

دي طريقة التفكير اللي ممكن بيها تستنتج إيه الفكرة اللي ممكن تعمل بيها Online business. المهم تكون متأكد إن مفيش فكرة ما تتعملش بزنس.

احكلنا أكتر فى الكومنتات عن المنتج بتاعك وايه المشكله الى هيحلها للمستهلك 👇

هنا مش هنتكلم عن ليه الـ Online Business لان الاسباب واضحه جدا زى:
- راس مال قليل جدا.
- سهل انك تبدا مش محتاج موظفين.
- مش مرتبط بمكان أو وقت معين.

إحنا هنتكلم عن إزاى تبدأ الـ Online Business ؟ قدامك Option من اتنين

الـ Option الاول البيع على Souq.com أو اى موقع مشابهه .. والى بيكون ليه نسبه من الارباح مقابل خدمات زى التسويق وخدمه العملاء والشحن.

إزاى تبدا؟ أول خطوة هتعمل صفحه للمنتجات بتاعتك على Souq.com .. والعميل هيطلب المنتج ولما يجيلك الـ Order هتغلفه بعدها هيجيلك مندوب ياخد المنتج يوصله للعميل بتاعك .. وانت بعد كده بتستلم فلوسك على دفعات على حسب إتفاقك معاهم.

الميزة فى Souq.com انهم عندهم خدمه اسمها Fulfilled by Souq .. الخدمه دى بتخليك لو عندك عدد من المنتج بتاعك تبعتها لمخزن سوق وهما بيتولوا كل الـ Process الى بتعملها بعد ما يجيلك الـ Order.. كل الى انت بتعمله انك بتستلم فلوسك

بس للاسف بعد كده العميل بيكون بتاع Souq.com مش بتاعك .. ومش بتعرف تتواصل معاه تانى أو تبعتله اى Offers أو منتجات جديدة.

الـ Option التانى هو الـ Website الخاص بيك
البيع على موقعك مباشره بيديلك تحكم كامل فى بيانات العميل ورحلته على الموقع وكل الـ Offers الى عايز تعرضهاله .. بس هنا انت بتعتمد على نفسك فى كل حاجه .. فى التسويق للمنتج واستلام الـ Orders والتغليف والشحن
فوق كل ده بيكون فى خدمه عملاء انت الى بتقوم بيها بنفسك

كل Option فيهم ليه عيب وميزة .. وانت الى بتحدد على حسب انت عايز تبيع بس ولا تعمل Brand

قولنا فى الكومنتات ازاى بدأت أو عايز تبدأ وايه المشاكل الى قابتلك علشان نساعدك تحلها