Oudy

السلام عليكم ورحمة الله وبركاته 👋

جمعة مباركة بإذن الله 😊

5️⃣ علامات تعرف منها إن العطر مغشوش أو مضر 👌
بعد البوست اللي فات من سلسلة ، ناس كتير بتسألني: "طب ازاي أعرف العطر اللي قدامي ده أمان ولا لأ؟"

تعالوا نتعلم مع بعض 📚:
1️⃣ الريحة الكيماوية اللاذعة ⚗️
لو فتحت الزجاجة ولقيت ريحة كحول قوية جداً أو ريحة "مش طبيعية" زي البنزين أو التنر = ابعد فوراً.
العطر الكويس ريحته تكون واضحة من أول ما تفتح الزجاجة، مش بعد ما "يطير الكحول".

2️⃣ السعر الخيالي (رخيص أوي) 🏚
عطر "أوريجنال" بـ 500 جنيه؟ زجاجة 100 مل بـ 300 جنيه؟؟ مستحيل.
ولو حد قالك "عندي مصدر" أو "أنا جايبه من الخليج"، ده كلام فاضي 💯

3️⃣ الشفافية المعدومة 👓
لو سألت البائع "هل المكونات آمنة؟" أو "بتستخدم ميثانول؟"
ولقيته بيتهرب أو يقولك "ده سر تجاري" = مش أمان 🏃‍♂️

4️⃣ التأثير على الجلد ✊️
لو حطيت العطر ولقيت:
حكة أو احمرار فوري ❌️
حرقان خفيف ❌️
طفح جلدي بعد ساعات ❌️
حد جنبك بيكح بشدة بسبب الكحول ❌️
الرش على الجلد بيديك شعور بارد جدا ❌️
= اغسله فوراً وارمي الزجاجة ⚠️

5️⃣ الثبات الغريب مع اتجاه بعيد عن العطر الأصلي 🧭
العطر الطبيعي بيفضل من ٤-٨ ساعات حسب النوع، ممكن يوصل ليوم لو عطر خشبي أو شتوي ❄️
لو البائع بيسوق العطر انه بيدوم لأيام وأسابيع "مش بيروح خالص" حتى بعد الاستحمام = ابدأ شك لأنه ممكن يكون فيه مواد كيماوية مضرة (دا لو طبيعة العطر انه خفيف) 🧪

⚠️ نصيحة أخيرة ⚠️
متشتريش عطر من مكان مش موثوق، حتى لو الناس بتقول عليه كويس 👨‍🦯
ولو محتاج مساعدة في اختيار عطر آمن، فريق عودي جاهز للمساعدة في كل وقت 💝