Baba Restaurant
Share
16/02/2020
Thanks for the review! 😍
.and_mrs.foodie
• • • • •eg
لسه بندور معاكم علي الأماكن الصغيرة المستخبيه اللي كتير من الناس متعرفهاش رغم انهم بيعملوا اكل في منتهي الجمال والنظافه .. المطعم اللي جربناه النهارده اسمه (بابا) وهو مطعم سوري جديد لسه فاتح في التجمع الخامس من فترة قصيره بس بيقدموا شويه افتكاسات مختلفه علشان يكونوا مختلفين عن باقي مطاعم الأكل السوري والحاجات دي هي اللي جربناها من عندهم علشان نشوف ايه اللي بيميزهم عن غيرهم
-----------------------------------------------------------------
جربنا شاورما تورتيلا الأعشاب مع صوص الحبق (٣٩ جنيه) وده الساندوتش اللي لونه أخضر وده اكتر ساندوتش عجبنا وطعم التورتيلا مميز و حلو جدا
------------------------------------------------------------------
كمان هتلاقوا ساندوتش لونه مايل للون الأحمر وده شاورما تورتيلا الطماطم المكسيكي (٣٩ جنيه) ودي شاورما فراخ جوه عيش تورتيلا بطعم الطماطم مع صوص مكسيكي وصوص شيدر .. طعمه مختلف والناس اللي بتحب الأكل بنكهة الطماطم هتحبه جدا
------------------------------------------------------------------
كمان بيقدموا فته اسمها فته شاورما بابا (٤٩ جنيه) بس دي مختلفه عن الفته العاديه اللي نعرفها والجديد فيها انها من غير رز او عيش محمص .. هي عباره عن بطاطس محمره زي الشيبس ومليانه شاورما فراخ وغرقانه بصوص الجبنه وصوص بابا الخاص بيهم وكل ده متغطي بالموتزاريلا .. استغربناها في الأول لاننا متعودين علي فته الشاورما التقليديه بس بعد كده حبينا الفكره والناس اللي بتزهق من الرز الكتير في الفته او بيحبوا البطاطس اكتر الفته دي هتكيفهم ع الآخر
------------------------------------------------------------------
هم بيقدموا شاورما فراخ بس وبصراحه طعمها مميز وتتبيلتها هايله والفراخ نفسها نظيفه ومفيهاش اي زفارة..وعجبنا كمان ان الساندويتشات والفرايز مش مزيتين نهائي والأكل كله في منتهي النظافه والتغليف كان هايل..لسه عندهم افتكاسات واختراعات تانيه في الساندويتشات الشرقي والغربي هنجربها عندهم المرة الجاية وهنقولكم رأينا
المكان في مول مرحبا في التجمع الخامس ورا مسجد الحمد
------------------------------------------------------------------
☎️ 01110870081 – 01110870034
📍 العنوان: 32 مرحبا مول – خلف مسجد الحمد – منطقة خدمات التجمع الخامس
Click here to claim your Sponsored Listing.
Category
Contact the restaurant
Telephone
Website
Address
التجمع الخامس/مرحبا مول محل رقم ٣٢ منطقة خدمات التجمع الخامس خلف المحكمه
Cairo
