Tedix Masr

هطول عليكم شويه معلش استحملوني
1 - فوري واقفه خالص و مش عاوز احبطك و اقولك متحاولش معاها غير لما تتأكد انها رجعت اشتغلت و بلاش بلاش بلاش Vpn
2 - في بعض الكريدت شغاله و بعضها واقفه و اعتقد معظم المعلنين الليميت بتاع الكريدت مش هيظبط معاهم لانه صغير دا مقارنة بتكلفة الإعلانات
الحل هطول عليكم شويه فيه
الوقتي عندك حد مسافر او شركة من خارج مصر تعملك حساب اعلاني مسبق الدفع
و هفترض مثلا انك بتعمل اعلانات ب 30000 جنيه
و هفترض ان الشخص ده فالسعوديه انت هتحوله الفلوس فودافون كاش مثلا 30000 جنيه
يبقى هو حسابيا هيعملك تمويل للحساب بعد عمولته حوالي 10 فالميه 2100 ريال سعودي
و لو انت بتعمل 4 اعلانات فاليوم
أصبح الإعلان الواحد هيكلفك 17.5 ريال ف 4 اعلانات ب 70 ريال فاليوم

ملاحظه محدش يزود ميزانيته حاليا خليك ثابت على نفس المبلغ اللي بتمول بيه حتى لو في فرق عمله حاليا
بمعنى انا كنت بمول ب 30000 جنيه و البنك كان ب يحاسبني 38.75 الدولار بعد الضريبه و العموله
يبقى بيديني 774 دولار

حاليا همول برضو ب 30000 جنيه و الشخص ده هيحاسبني 55 الدولار تقريبا
يبقى هيديني 545 دولار

صحيح هتقولي كده ميزانيتي قلت 220 دولار
بس متوقفش شغلك دي نصيحه حتى لو هتزود على كل أوردر 20 جنيه

انا جايلك النهاردة بحدوتة ظريفة لطيفة عن اكبر عملية احتيال في 2021 والاكبر في التاريخ حرفياً
في 2017 تتأسس شركة كوينكس للتكنولوجيا ومقرها تركيا بترخيص من FinCen MSB في الولايات المتحدة الامريكة والشركة كانت خاصة بتداول العملات الالكترونية
العملات الالكترونية او الرقمية هي عملات افتراضية مش موجودة في الواقع ولكن ليها بورصة وبتزيد وتنقص وتقدر تشتري بيها اي حاجة عادي
دي كانت نبذة سريعة عنها
في 2020 بيتغير اسم الشركة ل Thodex وتنتشر في اكتر 120 دولة و اكتر من 391 الف مستخدم ويوصل حجم التداول اليومي فيها ل 1.2 مليار دولار
ولكن مفيش حاجة بتفضل علي حالها يوم 20 ابريل 2021 موقع الشركة اتقفل وقالو ان المستخدمين مش هيقدرو يستخدمو الموقع لمدة 6 ساعات علشان في شراكة جديدة وبعدها قالو 5 ايام
والمستخدمين بداء يكون في قلق من ناحية الموضوع دة لانة اول مرة يحصل ودي حاجة مفيهاش هزار دي ملايين
والقلق مكنش علشان الموقع اتقفل بس ، حسابات مدير الشركة "فاروق فاتح اوزور " هي كمان اتقفلت
مش كدة وبس دا كمان موقع "هبر تورك " كتب تقرير ان فاروق فاتح سافر خارج تركيا لجهة غير معلومة وكتب الموقع نقلا عن محامي المستثمرين في المنصة "أوغوز إيفرين " ربما ذهب فاتح اوزور الي تايلاند علشان المنصة بتواجهة مشكلة في تحويل الاموال
في وسط كل القلق والتوتر دة تطلع منصة Thodex بيان وتقول فية نصاً "نود أن نعلمكم أن الأخبار السلبية لا تعكس الحقيقة، وأن شركتنا تواصل أنشطتها بشكل أقوى، وأنه لا يوجد موقف يدعو للقلق بشأن وجود مستخدمينا، نحن نعمل مع شركاء أقوى لمواصلة خدمتك مع بنيتنا التحتية الآمنة"
البيان دة مقدرش يهدئ المستخدمين برضو وبداء يتصدر تريند باسم Thodex موقع تويتر وكان كل اللي مشاركين في الهاشتاج بيتكلمو عن ان اللي حصل عملية احتيال ومن المستحيل ان الدنيا ترجع زي ماكانت
البنك المركزي التركي سمع الكلام دة وحس ان الدنيا مش هتبقي تمام وقرر حظر استخدام العملات الرقمية وقال انها مينفعش تستخدم بشكل مباشر او غير مباشر كأداة للدفع لانها ملهاش آليات تنظيم او اشراف
في وسط الدربكة اللي حاصلة دي تترفع اول قضية علي فاروق فاتح بتهمة الاحتيال من محامي اسمة "عبد الله أسامي كيرا"
ويختفي فاروق فاتح الشاب اللي عندة 27 سنة بأكبر مبلغ احتيال في التاريخ كام بقي 🤔
2000000000 مليار دولار
وبس ياسيدي 😁

جاي احكيلك حدوتة ظريفة
اي قمر صناعي بيطلع للفضاء اكيد يعني مش بيرموة في الهواء كدة ياعزيزي ويسبوة . بيروح فين بقي 🤔
اي قمر صناعي بيتم اطلاقة بيكون علي ارتفاع 35,786 كيلو متر وفوق خط الاستواء بالظبط وفي نفس اتجاة دوران الارض ودة اللي بيسموة المدار الجغرافي الثابت
لان اي جسم في المدار دة بيقعد مدة زمنية «اللي الكوكب هياخدها علشان يعمل دورة كاملة حول نفسه» وبالتالي انتا علي الارض الجسم دة بيظهرلك وكأنة ثابت في مكانه وكل اللي عليك انك بتوجة جهاز استقبالك او الدش قصادة بدل ما تقعد تلف فية كل شوية
بس بسبب بقي ان الارض ياعزيزي بيضاوية مش كروية ولا مسطحة زي ما الراجل اللي هناك دة بيقول بيحصل اي بقي ان الارض اثناء الدوران بتاعها دة لما بتيجي عن القطبين بتوعها اللي هي زي نقطة التقاء البيضة دي بيحصل خلل في المدار بتاع الاقمار الصناعية دي بنسبة 0.85 درجة كل سنة بسبب التسارع اللي بيحصل عند الكرة الارضية في منطقة اللاتقاء دي
وعلشان القمر يتفادي التسارع دة بيحصل حاجة اسمها مناورات التسارع وهي انهم يخلو القمر بيلف اسرع بسرعة 50 متر كل ثانية والكلام دة بيحصل كل سنة لما الكوكب يتم دورة كاملة حول الشمس
جميل اوي وكلام زي الفل
هتستفاد انتا اي من كل دة ؟ القمر ياعزيز بيكون فية وقود دفع وهو اللي بيصحح مسارة فلما الوقود دة بيخلص اصحاب القمر علي الارض بيحددو العمر الافتراضي بتاعه لانه بعد ما الارض تتم دورتها القمر مش هيبقي في مكانة ومش هيعرفو يرجعوة تاني للاسف علشان كدة بيتم استبدالة حتي لو القمر لسة بحالتة

انا كنت ممكن اجي اقولك ان قمر نايل سات عمرة الافتراضي انتهي ومع بداية 2022 هيتم اطلاق واحد مكانة وغالبا انتا مش هتحس بحاجة غير انك ممكن شوية قنوات ترددهم هيتغير بس انا عارفك ياعزيزي بتحب تفهم الدنيا ماشية ازاي
سلام بقي