Dr_Ahmed Awad Musa

الوصايا العشرون لمرضي السكر :

١/ اهم حاجة للعلاج ومنع المضاعفات هو السيطرة علي مستوي الجلوكوز بالدم طوال الوقت .

٢/ التعامل بجدية مع اي ارتفاع في ضغط الدم .

٣/ لازم تستخدم الادويه اللي بتقلل تأثير السكر علي الكليتين ودي بتتحدد بواسطة الطبيب تبعا للحاله المرضية .

٤/ الإقلال قدر الإمكان من تناول البروتينات الحيوانية خاصة اذا ظهر زُلال في البول او حصل زيادة في نسبة الكرياتنين .

٥/ عمل فحص قاع عين بصفة دورية كل ٦ شهور او سنة بالكتير .

٦/ عمل وظائف كلي وتحليل بول للبحث عن زُلال وقياس معدل استخلاص الكرياتنين وعدم الاعتماد علي نسبة الكرياتنين فقط لمتابعة حاله الكلي كل ستة شهور او سنه بحد أقصي

٧/ عدم ارتداء احذية ضيقة او السير عاري القدمين .

٨/ فحص القدمين بصفة دورية لاكتشاف الخدوش او اي تغيير في لون الجلد .

٩/ مافيش حاجة علميا اسمها سكر مؤقت او عصبي ، مرض السكر مرض مزمن غالبا .

١٠/ اتعامل مع مرض السكر أنة صديق متضر انك تتعايش معاة باحترام لمنع مضاعفاته الخطيرة .

١١/ التعامل المبكر مع المرض ومن لحظاتك الأولي بجدية مهم جدا لمنع مضاعفاته الخطيرة .

١٢/ مافيش أعراض ثابته للسكر وغالبا بيتم اكتشافة بالصدفة .

١٣/ الكشف المبكر عن مرض السكر مهم جدا .

١٤/ تغيير نمط الحياة وسلوكيات التغذية هم عنصر لنجاح العلاج .

١٥/ مافيش حاجة اسمها علاج موحد او نظام تغذية موحد لمرضي السكر كل مريض مختلف عن التاني .

١٦/ الأنسولين هو العلاج الوحيد الأمن والفعال حتي الان في اغلب الحالات .

١٧/ الرياضة الرياضة الرياضة .

١٨/ ممنوع التدخين ممنوع التدخين ممنوع التدخين .

١٩/ استخدام الأعشاب الطبية ليس اة اي أساس علمي ومافيش ليه نتيجة ملموسة بمفردها .

٢٠/ والله مافي حاجة اسمها علاج نهائي لمرض السكر متاح للجميع ( حتي الان )وكل الإعلانات اللي بتيجي في التلفزيون هي وسيلة نصب علي المرضي.

لكن يمكن شفاء مرضي النوع التاني في كثير من الحالات خصوصا في البدايات بتنظيم الوزن و النظام الغذائي و بعض الادوية و في حالات السكر من النوع الاول هناك امال كبيرة قادمة باذن الله ولكنها غير متاحة للجميع حتي الان.