The Content Hacker

بـ Concept (مأنت لو كنت بتهتم) El Bawadi Egypt علموا إعلان مش عادي 😎
بسببهم الناس اتقسمت فريقين، فريق شايفه سخيف جدًا ولا يليق وفريق حاسه مميز ومختلف ولذيذ 👏

←البوادي كانوا عايزين يعرفونا إنهم عملوا مربى كلها قطع وإنهم واثقين من المنتج ومهما حصل هيعجب جمهورهم اللي بيحبهم من ما أول نزلوا الطحينة🥣

Insight 🔶 وده حصل عن طريق اسكربت لذيذ دمه خفيف بيظهر فيه إن اللي مش عارف البوادي هيعترض ويطلع عيوب من غير ما يجرب أما اللي مهتم ما بيصدق يلاقي المنتج وبيفرح به

🔶كمان لقطة العلبة لما وقعت متكسرتش ولا اتفتحت ودي ثقة في جودة الباكجينج وأنهم مهتمين بالتفاصيل.

أما العلبة الازاز فمش موجودة ولو وقعت هتتكسر ولو من محبي البوادي هتبقى متأكد إن فعلًا فاكهة في كل معلقة زي ما ال Slogan بتاعهم بيقول ✌🏻

🔶أما عن ظهور أمير عيد فهو له جمهوره الكبير وشهرته اللي بتزيد يوم بعد يوم فهو Iconic Character أعتمدوا عليه لزيادة فرصة إن الإعلان يتشاف أكتر وده تحليلي الشخصي

-ونهوا الإعلان بمربى البوادي لو ملكش فيها ... عادي يعني لو أنت مش مهتم أكيد في غيرك من جمهورنا هيحبها وواثق فينا فاشطه مش هقعد طول اليوم أقنعك لأنك أكيد مش من ال Target audience 🤷🏻‍♀️

🚨ودي مشكلة أحيانًا أو كتير بيقع فيها أصحاب المشاريع خصوصًا الصغيرة إنهم يضيعوا وقتهم مع حد مش هيشتري مع إن ممكن يوفر الوقت ده مع عميلهم اللي هيشتري ويهتموا به أكتر بدل ما يضيع منك الإثنين، والنقطة دي هتلاقوها بشكل كبير وشرح أكتر في كتاب خطة تسويق في صفحة واحدة ✅✅

وأظن إن الإعلان ده مكمل للكامبين اللي بدأوها من أكتر من شهر واللي فيها كانوا بيحطوا كيس مربى فاضي هدية مع علبة الحلاوة وأنت لو مهتم جرب بنفسك 😉

لو معجبش التحليل دا عادي .. بس قولنا رأيك في الإعلان لذيذ ولا أي كلام 🚀

-----------------------------------------------------
تحليل: منار محمد

أيام بسيطة وهننتهي من الجزء التاني من Content Hacker Online Internship وكانت فترة صعبة لكن كانت مليانة تحديات وأفكار جديدة شاركناها معاكم الفترة اللي فاتت ولسه هنكمل، وكان أبطالنا المرة 12 مبدع ومبدعة بدأوا معانا الطريق وهيكملوه بشطارتهم.. حابين نقولهم شكرًا ليكم وكل انتيرن وأنتم هاكرز مميزين 🔥🔥