Sayed Wael

‏"قد يمنحك أحدهم الأمل وداخله إحباط، وقد يمنحك النور وداخله مملوء بالعتمة، من قال أنّ فاقد الشيء لا يعطيه.. بل فاقد الشيء يعطيه ببذخ .. لأنه أدرى الناس بمرارة فقدانه "♥️

أنت مش بتتصدم في الناس والأشياء ، بل بتتصدم في تصوراتك المثالية ومعتقداتك الساذجة عنهم .. فكك من اليقين ، خليك منفتح ، وتوقع أي شيء من أي حد في أي وقت.

أنا ببقي مرتاح و أنا عامل مساحة بيني وبين كل اللي حوليا ببقي مرتاح و أنا بعيد و أنا مش عارف حاجه عن حد .. الناس من بعيد أحلي بكتير وكل ما بتقرب بتتصدم فيهم وتندم إنك قربت هما كام واحد يتعدو علي الصوابع اللي تخليهم جوه حياتك والباقي يبقي من بعيد ويبقي لا ضرر ولا ضرار .

حابب اقول انك متاخدش بنصيحة حد ف علاقتك بشخص ما لان مهما حصل انت يا دوب بتبقي مخنوق وبتحكي المشاكل اللى بينكو بس و الشخص التاني بيحكم من غير ميكون عاش اى لحظة سعيدة معاك او شاف اى حاجة حلوة من الشخص دة وطبيعي يقولك لا متكلموش لا متعاتبوش لا اضربه بالنار وكل الكلام دة

انت الوحيد اللى تقدر تحكم فى علاقتك انت و هو لان مهما حصل اكيد فى حاجة حلوة الشخص دة عملها تغفرله المشكلة و اللى انت بتحكيله ميعرفش تفاصيل
انت الوحيد اللى قادر تحدد كويس اوي الشخص دة يستاهل او لا
متسلمش مخك وتفكيرك لحد ، احكي لو عايز بس سيب القرار و مواقف الشخص معاك هي اللى تحكم مش كلام حد.