MTC Yourself

من أحد مقولات دكتور يحي الرخاوى رحمة الله عليه *كل جريمة عملها اتنين..ذنب القتول ذنب القاتل.. أصله استسلم*
تم تم تعديل المقولة من قبل دكتور محمد طه حتى تصبح *فيه جريمة عملها اتنين.. ذنب المقتول ذنب القاتل أصله استسلم* (كتاب ذكر شرقى منقرض,ص121)

الجملتين لخصو كتير اوى لاسألة كتير اوى زى مثلا
ليه بنشوف فى اى مشكلة أن فى طرف ظلم وطرف مظلوم ونقف هنا ؟
هل فى ظلم فعلا الاجابة ان اكيد فى ظلم لكن الشحص المظلوم فعله كان اية هل رضى بالظلم وقال أنه اتظلم وبس طب وبعدين ؟!

الجملة دى بتلخص كتير اوى عن اخطاء التربية كام حد اتعرض لأذى فى طفولته كام حد بيواجه صعوبات ومشاكل يومية مش بأيده ولا لى اى دخل فيها ولكن نرجع نقول *ذنب المقتول ذنب القاتل.. أصله استسلم*

ده رسم بسيط بيوضح العلاقة بين العمر الزمنى والعمر التطورى، يعنى طبيعى جدا يكون العمر الزمنى فى مكان والعمر التطورى فى مكان تانى خالص ولكن لما الفرق بينهم بيكون كبير اوى بنبقى دخلنا فى special case بنحتاج ساعتها تدخل طبى أو نفسى وفى دراسات وطرق كتير اوى اتعملت عشان نعرف إذا كان فى خلل بين الاتنين ولا العلاقة مظبوطة.
طيب الهدف من الكام بوست دول أية، أننا نبقى على وعى كافى وكامل مع كبار السن الحالتهم بتبدأ تدهور وتتراجع ونروح لكذا دكتور يقول انهم كويسين وأجهزة جسمهم مافهاش اى حاجة،لازم ساعتها نبدأ نفتكر هو واحنا اطفال كنا بنحتاج اية وهما كانوا بياخدوا بالهم مننا ازاى، لو الشخص قدامك فقد القدرة على الكلام وعلى المشى وعلى التعبير فهو لسه بيحس وبيشوف نظرتك، رفقاً بالناس ياجماعة ارجوكم خاصاً لو الشخص ده شخص كبير فى السن أو طفل لسه مش شايف اى حاجة من الدنيا لا حلو ولا وحش.

70% من شخصياتنا يتتكون خلال أول خمس سنين فى حياتنا، حتى لو كبرنا ونسينا ف تجارب الطفولة اتحفظت فى عقلنا اللاواعى.
طيب نتصرف ازاى مع مشاكل أصلها تجارب وخبرات فى الطفولة احنا ماكناش مسؤولين عنها، هنا هيبدأ يظهر نوعين من الناس، النوع الأول وهو البيلوم الأهل أو الشخص الكان مسؤول عن تربيته وهو طفل ودائما بيشتكى أنه نتيجة لغلط من الأهل، النوع التانى بيكون فاهم ان احنا بشر وبنلغط ف يبدأ يشوف انه ااه ماكنش مسؤول وهو صغير لكن مسؤول عن تصليح الغلط لما كبر.
الخلاصة مشاكلك انت المسؤول عنها وانت القادر تفهمها يمكن تحتاج لمساعدة عشان تحل لكن عمر ما حد هيعرف يساعدك غير لما تكون انت عاوز المساعدة وبتسأل وبتحاول تبقى احسن.