DeepScope

لو انت من الناس اللي بتتخض اول ما متشوف (ميكانيكا الكم) 😂 متهربش واستنى لاننا هنشرحهالك ببساطة. ولو انت متهم بعلم ميكانيكا الكم ممكن تكون سألت نفسك هل فيه علاقة بين وعى الإنسان و ميكانيكا الكم ! .
ميكانيكا الكم بتقول ان حالة الجسيم بتكون عبارة عن مجموعة من الاحتمالات و متقدرش تحدد حالة الجسم إلا لما ترصده ، الاحتمالات دى كلها بتختفى و بيفضل حالة واحدة محددة .
عشان تفهم اللي الجاي محتاج تتخيل معايا كدا انا مافيش حقيقة واحدة مؤكدة وان النتايج اللي بتحصل عليها معتمدة على ادراكك ووعيك زي قطة شرودنجر الشهيرة اللي هي ماتت ومماتتش 😉 ها تخيلت ؟
خد مثال الالكترون عنده خاصية الدوران فاحنا نقدر نقول إن الالكترون بيلف مع عقارب الساعة وعكس عقارب الساعة فى نفس الوقت لحد ما نبص عليه ونراقبه، الالكترون ساعتها بيختار اتجاه معين يلف فيه.
تعالو نفهم ازاى
شرودنجر عمل معادلة موجية بتتعامل مع الالكترون على أنه موجة
موجة من اي يا شرودنجر؟!
موجة من الاحتمالات حضرتك😃!!
بحيث:
وفقًا لتفسير كوبنهاغن لميكانيكا الكم اللى بيقول:
نفس الالكترون وهو مش متراقب بيبقى عبارة عن موجة من الاحتمالات موجود فى كل مكان ولكن اول ما بنرصده الموجة دى بتنهار والالكترون بيظهر فى مكان محدد
هل معنى كدا أن كل الاحتمالات فى الكون واردة و مفيش حاجة معدة مسبقا ..
الحقيقة أن ميكانيكا الكم بتقول أن ربنا خلق الكون بجميع احتمالاته، وادراكك هو اللى بيحدد الاحتمال اللى هيكون واقع ليك ،
كمان طريقة ادراكك بيفرض على الاحتمال ده أنه يظهر دائما بالصورة اللى انت متصورها
اى أن الواقع بتاعك دا داخل دماغك انت وبس وإذا غيرت وعيك وطريقة ادراكك فأنت قادر انك تغير الواقع .
وبس كدا لحد هنا ونشوفكوا فى مقالات تانية
written by : Eman Hendawy