Bavaria contracting

معلومات هامة لازم عملاء Bavaria يكونوا عارفينها

هتعرف ازاي البنود اللي Bavaria بتنفذهالك صح ولا لأ.

انهاردة معانا بند المباني كأول بند بعد انتهاء أعمال الخرسانات.
أعمال المباني....ملاحظات هامة في أعمال المباني..

* المفروض الطوب بتم رشه بالماء جيدا علشان ميشربش مياه المونة وده قليل االي بيعمله.

* بنبدأ بأد المباني وهو انك بترسم تقسيمة الوحدة بمدماك واحد طوب الأول قبل رفع الحيطة بالكامل مع مراعاة التربيع والزوايا زي الصورة.

* بتنضف الأرض كويس وتترش ونبدأ الأد ونقسم المساحات بتاعتنا.

* سواء الحائط نص طوبة او طوبة مهم جدا العراميس الراسية متبقاش فوق بعض وبنحط سلك شبك ميتال كل حوالي ٦٠ سم.

* في أماكن التقاء الحائط مع عمود او حائط خرسانة بنحط كانات تربط الخرسانة بالمباني زي اللي في الصورة
* مهم جدا نزول سواعي من فوق لتحت حالة وجود كمرة او واجهة لضبط الوزنات.

* مهم جدا تشحيط الحائط من فوق بواسطة خوابير خشب علشان تكون متينة وثابتة زي اللي في الصورة.

* لو أمكن وكان تكحيل العراميس مظبوط وغاطس هيكون افضل في مرحلة البياض ( المحارة) علشان المونة تمسك اكثر في الحائط.

* طبعا وزنة الحائط الرأسية والاستقامة الافقية لازم تكون مظبوطة علشان ميكونش فيه تربية او أعمال نحاتة في المحارة بعد كدة.

انتظروا البنود التالية...أعمال تأسيس الكهرباء والسباكة.

مع تحيات Bavaria Contracting

اعمل شغلك مرة واحد
Do it once

اتعلم تشطيب مع Bavaria.

احنا كمهندسين ليه كتير مننا بيفضل العزل الكيماوي عن عزل الميمبرين او الخيش المقطرن(في حالة العزل المائي) ؟؟؟

١- سهل تنفيذه بشرط خلطه بنسب صحيحة.

٢-سهولة عزل الزوايا او اي مكان ضيق او منحني علي عكس الميمبرين.
٣-اهم نقطة ان لو حدث تسريب مياه فإن نقطة التسريب في العزل الكيماوي هي نفسها نقطة ضعف العزل فبنعالجها بسهولة، علي النقيض نقطة التسريب من الخرسانة نتيجة النفاذية في حالة عزل الميمبرين مش بالضرورة تكون هي نفس نقطة الضعف اللي في العزل ومن هنا ممكن نضطر نغير مساحة العزل كله ونعيد عزلها من جديد وطبعا بتكلفة مضاعفة علي الاقل
🤏👌