PhysioFit

⚠️ ما تستهونش بأي وجع بسيط!

شاب رياضي كان بيحس بألم خفيف جدًا في الركبة وهو بيلعب كورة.

الموضوع ماكنش مأثر اوي، فافتكر إنه "عادي" ومفيش داعي للكشف.

لكن الحقيقة إن الوجع ده كان إشارة لمشكلة أكبر:

❌ عدم توازن في العضلات حوالين الركبة.

ومع المجهود والضغط أثناء اللعب.. حصل له قطع في الرباط الصليبي!

🚑 النتيجة: عملية + شهور طويلة من التأهيل عشان يقدر يرجع يلعب تاني.

✨الألم حتى لو بسيط ممكن يكون علامة خطر. التشخيص المبكر والتدخل السريع يفرقوا جدًا بين تجنب الإصابة قبل وقوعها و إصابة تبعدك شهور.

👉 لو عندك وجع متكرر أو مستمر في الركبة (أو أي مفصل)، متتأخرش.

ممكن تحجز استشارة أونلاين معانا ونحدد السبب ونوجهك لبرنامج العلاج المناسب.

👨‍💼 "أحمد" موظف بيقعد بالساعات قدام الكمبيوتر.

بدأ يحس بتنميل بسيط في إيده وقال: ده من الماوس.. حاجة بسيطة.

لكن مع الوقت التنميل زاد، والوجع وصل لكتفه ورقبته.

لما قرر يكشف، اكتشف إن السبب شد عضلي وضغط على الأعصاب بسبب الجلوس الخاطئ لفترات طويلة.

💪 بدأ برنامج علاج طبيعي وتمارين مناسبة يقدر يعملها في البيت.

النتيجة؟ خلال أسابيع التنميل اختفى، الألم راح، وبقى يقدر يشتغل مرتاح من غير خوف.

⚠️ الرسالة: ما تستهونش بأي علامة بسيطة من جسمك.

ممكن تكون بداية مشكلة أكبر!

👉 الحل مش دايمًا مسكنات.. التمارين والعلاج الطبيعي أوقات بيغيروا حياتك.

💬 دلوقتي تقدر تحجز استشارتك الأونلاين معانا وتبدأ رحلة الراحة من الألم.

البوست دا هنشرح ازاي تقدر تكبر حجم العضلة وازاي تزود من قوتها في التمرين
اول حاجة لزمن نعرفها :-
🔹1)one rep max (1RM)
اقصي وزن تقدر تلعب بيه عدة واحدة صحيحة يعني مثلا لو بتلعب بنش عالي بالبار تنزل بالبار لحد صدرك وتطلع تاني للاخر دي كدة عدة شوف اقصي وزن تقدر تعمل بيه عدة واحدة بس هو دا اللي احنا عايزينوا
🔹2)reps (العدات او التكرارات)
🔹3)rest period (الراحة بين المجموعات)
🔹4)sets (المجموعات)
🔹5)intensity (الشدة)

🔹🔹كدة يلا بينا ........طبقا لاخر تقرير نزل سنة 2018 يخص الرياضيين
🔴🔴🔴🔴🔴🔴القوة العضلية🔴🔴🔴🔴🔴🔴
الوزن اللي هتلعب بيه 85-100% من 1RM
ليه ......؟
عشان اهم حاجة في زيادة القوة هو neuromuscular adaptation
اللي هو التواصل العصبي العضلي كل اما تزود من التواصل دا كل ما المخ هيبعت إشارات الانقباض للعضلة اقوي واسرع وبالتالي انقباض اقوي يعني قوة اكبر

العدات :1-5 عدة
هنهتم بحاجة اسمها repetition tempo
او إيقاع العدة
الأساسي هو 1/1/1 يعني هطلع بالوزن لفوق في ثانية واثبت فوق ثانية وانزل بيه في ثانية وهكذا
فيه أنواع تانية وكلهم صح

الراحة بين المجموعات 3-5 دقائق
فترة راحة طويلة عشان يحصل اقصي استشفاء للعضلة يعني تريح فترة طويلة عشان تقدر تشيل الوزن الكبير

المجموعات 4-6 مجموعات

🔴🔴🔴🔴🔴🔴الحجم العضلي 🔴🔴🔴🔴🔴🔴
الوزن اللي هتلعب بيه 75-85% من 1RM
ليه .............؟
عشان الالياف العضلية عشان تكبر محتاجة انها يحصلها تلف وارهاق بكثافة عالية (اوزان عالية ) وفي نفس الوقت مش عالية اوي عشان هكررها كذا مرة

العدات 6-12 عدة كل ما تزود الوزن تقلل العدات والعكس
repetition tempo بتاعنا هيبقي 2/0/2 هطلع في ثانيتين وانزل في ثانيتين
في أنواع تانية بتعتمد علي زيادة الفترة بتاعة eccentric contraction يعني بزود الفترة اللي هنزل فيها بالوزن اللي هي الحركة السلبية ودي بتبقي افضل كمان زي 1/2/4 هطلع في ثانية واثبت فوق ثانيتين وانزل بالراحة في اربع ثواني

الراحة بين المجموعات :فترة راحة معتدلة 60-90 ثانية
فترة راحة متوسطة كافية انو يحصل وصول للدم في العضلة عشان تتغذي وتبدأ تكرر المجموعة تاني

المجموعات 3-5 مجموعات

⬅بنصح بالتمرينات المركبة للاتنين زي
dead lift - bench press - squat - military press...…...
⬅الكلام اللي فوق دا كلوا من غير تغذية مناسبة واهتمام بنسبة البروتين اكثر من 1.6 لكل كيلو في جسمك مش هيبقي ليه لازمة 80% تغذية 10% تمرين 10% نفسية

🚀 نتيجة مذهلة بعد 3 شهور! 🚀

من 25% دهون لـ 14% دهون! 💥

من خلال دايت مناسب وتمارين مخصصة ليه ولتاريخه الرياضي والإصابات اللي عنده قدر يحقق الهدف في 3 شهور فقط! 🏋️‍♂️🔥

لو أنت كمان عايز تشوف نفس النتيجة وتغير جسمك للأحسن، ده وقتك تبدأ! 💪

إزاي؟
✅ دايت مرن هيساعدك توصل لأفضل نتائج سواء كنت عايز تخس أو تزيد عضلات.
✅ نظام تدريبي مناسب وتمارين مُصممة عشان تناسب حالتك ومستوى لياقتك، سواء كنت مبتدئ أو عندك خبرة.
✅ نظام لإعادة التأهيل في حالة الإصابات: لو عندك مشاكل زي آلام الظهر أو المفاصل، عندنا تمارين وحلول هتساعدك ترجع لحركتك الطبيعية بأمان.

إنت كمان تقدر توصل للنتيجة دي مع المتابعة والدعم الصح! 💯

📩 للحجز والاستفسار، ابعتلي رسالة دلوقتي!