Mr.Medic

“ما تشربش غير لما تعطش!”… نصيحة ناس كتير بتقولها من غير ما تعرف خطرها في الحر 🥵💧

الفتره دي بقى منتشر كلام زي:
“متشربش مياه كتير… اشرب بس لما تعطش.”

بس الحقيقه إن الكلام ده مش مناسب لكل الناس، خصوصًا مع الحر الشديد اللي احنا فيه.

Stroke الجلطه أو الاستروك بتحصل لما الدم مايوصلش للمخ بشكل طبيعي، وفي عوامل ممكن تزود الخطوره عند بعض الناس… من ضمنها الجفاف وقلة السوائل.

المشكله إن ناس كتير بتستنى الإحساس بالعطش، رغم إن الجسم أحيانًا بيكون محتاج مياه قبل ما يحسسك أصلًا.

وده بيظهر أكتر مع:

* كبار السن
* مرضى السكر والضغط
* الناس اللي شغاله في الحر
* اللي بيتعرقوا كتير طول اليوم

الجفاف الشديد ممكن يعمل:

* دوخه وهبوط
* لخبطة في الضغط
* إجهاد على القلب والدوره الدمويه
* وزيادة خطورة الجلطات عند بعض الحالات

علشان كده مهم جدًا تشرب مياه بشكل منتظم، خصوصًا في الجو الحر… مش تستنى لما جسمك ينهار ويقولك “أنا عطشان”.

ولو حد حس فجأة بـ:

* ميل في الوش
* ضعف في دراع أو رجل
* تلعثم في الكلام
* عدم اتزان

لازم يتحرك بسرعة لأن الوقت في الجلطات بيفرق جدًا.

وفي الآخر…
مش كل نصيحه منتشرة تبقى مناسبه ليك.
اسمع جسمك… بس افهمه صح