ORing Training

لو التدريب بيبدأ في القاعة يبقى بدأ متأخر!

أغلب الشركات بتشوف التدريب من لحظة بداية الشرح في القاعة..

لكن الحقيقة إن ده مجرد “تنفيذ”

القرار الحقيقي حصل قبلها.
هل التدريب ده مطلوب أصلاً؟

لأن في فرق كبير بين:
إنك تقدّم تدريب وإنك تحل مشكلة أداء.

وبما إننا بنبني بيئة تطبيق النهاردة هنكلمكم عن جزء من موديل التفكير اللي بنستخدمع في بناء أي تدريب بنقدمه.

والجزء ده هو مرحلة تحليل معقدة..
وبنقول معقدة لأنها مش بتتبني بس على أساس.

1- إحنا بنحل إيه؟
2- لمين؟
3- وليه؟

ولكن علشان إحنا بندخل بشكل أعمق في المؤسسة أكتر.
المرحلة دي هي تحديد احتياج المتدربين أو اللي بنسميه الـ Training Needs Analysis (TNA).

1- تحليل للمؤسسة نفسها على مستوى الأهداف والتحديات الحقيقية اللي بتقابلها.

2- تحليل الشغل نفسه على مستوى طبيعة المهام والأنظمة وظروف التشغيل.

3- تحليل الأداء (وده بيكون خاص بالمتدربين).

4- تحليل الفئة اللي هنقدملها التدريب.

الـ TNA الصح مش بس بيحدد “إيه اللي ندرّسه”
لكنه بيحدد مشكلة واضحة وفجوة محددة وسلوك قابل للقياس

غير كده التدريب هيبقى تجربة كويسة لكن مش تغيير حقيقي.
علشان كده قولنا في البداية إحنا مبدأناش تطوير التدريب لكن إحنا بنعيد تعريفه من الأساس ودي كانت أول خطوة لسه تابعنا في اللي جاي.

لو التدريب شغال ليه الأداء مش بيتغير؟

ده مش بس سؤال اتكرر قدامنا كتير خلال الشهور اللي فاتت، دي للأسف حقيقة شوفناها بنفسنا في السوق

“إحنا درّبنا الفريق بس مفيش فرق واضح”

الحقيقة هنا إن التدريب بيشتغل لكن على مستوى مختلف عن اللي أنت مستنيه؟
يعني التدريب زوّد الفهم فعلًا لكن هل الفهم ده بقى كفاية علشان يغيّر الأداء؟
مش دايمًا..

الأداء في بيئات التشغيل بيتأثر بعوامل تانية زي:
هل التشخيص كان صح من البداية؟
هل البيئة بتسمح بالتطبيق؟
هل في system بيربط بين التعلم والتنفيذ؟

من غير كل ده
التدريب بيبقى إضافة مش تغيير حقيقي

فالمشكلة هنا إنك استخدمت الأداة اللي اسمها "التدريب" لكن بشكل غلط.
والحل؟
هنكلمك عن الحل اللي وصلناله بالتفصيل الفترة الجاية ف تابعنا علشان بنكسّر الثوابت.

التدريب عمره ما كان الحل!
أيون أنت قريتها صح

لأن المشكلة إننا بنتعامل مع الأعراض مش السبب..
أول ما الأداء يضعف بنعمل تدريب بدون ما نحدد:

1- هل المشكلة نقص معرفة؟
2- ولا خلل في التطبيق؟
3- ولا تشخيص غلط من الأساس؟

التدريب ممكن يحسّن الفهم، لكن الأداء بيتحدد بحاجة أعمق ..
*بالـ system وبالعقل اللي بيشغّله*

وده تحديدًا اللي خلانا نوقف علشان نبني حاجة مختلفة مش تدريب أحسن لكن تعريف مختلف للتدريب.

تابعنا الفترة الجاية علشان جايين نكسر الثوابت