Basbosa

- هو إيه العيب في الرفض قولي، إيه اللي مَسّ رجولتك في الموضوع؟

- بعد كل الحب واللي عملته أترفض !
مشاعري دي ملهاش تمن ولا أقعد أتفرج عليها وهي بتتباع في المزَادْ علني والمطلوب إني أسكت عادي

- يا بني فكرة الرفض وكلمة "لا" دي في حد ذاتها شهامة وصراحة تستحق التصفيق؛ علشان في ناس مبتعرفش تقول:-لا
وعندها كونسبت نقول لا ليه دلوقتي طالما الموجود موجود حتى إشعار آخر بظهور شخصًا آخر.
طول ما الشخص جيه دغوري معاك وقالك الإجابة صراحةً حتى لو كانت الرفض ف ده يلزمك تقبُل رأيه واحترامه مش الهجوم عليه!

- اسقف؟! اسقف لواحدة حبيتها بتقولي لاء بحب غيرك!!

- عادي ... قالتلك وبكل صراحة بحب غيرك مقالتش ليك:- بحبك وليه هو كمان:- بحبك
البنت قدَّرت مشاعرك اللطيفة أيًا كانت هي بتحب حد تاني ولا لاء

- فيا إيه يترفض، فيه إيه احسن مني ؟

- متبقاش عيل بيعيط لمجرد أنه حد خد منه لعبته، رفضها ليك مش معناه سوء شخصيتك ولو أنت أحسن شخص في العالم وفي حياتها بني آدم مش هتبُصّ ليك؛ القلب بيحب اللي اتشدله مش ماشي يدور على الأحسن
هي مش جزمة بنشتري الماركه الأحسن لازم تقبل إنك ممكن تترفض وممكن ترفض وطول ما الصراحة موجودة يبقي كل شىء يحترم ...

- أنت علشان مجربتيش مشاعر الخسارة ...

- جربتها وتَقَبلتها وبصيت لنفسي وقولت:- إني جميلة بحبي وهستنى نصيبي وهدعي؛ لأني مؤمنة ومش هضعف وأحتسبت كل اللي عملته عند ربنا وبدعي وبقول ربنا يرزقني الأحسن وبدعي ليه هو كمان ربنا يرزقه بالأحسن
سيدنا عَليّ ليه جملة جميلة جدًا " لا يَكُن أفضل ما نِلت في نفسك من دُنياك بُلوغ لذة أو شفاء غيظ

- انا مبجريش ورا لذه

- أنت بتجري ورا المرفوض عشان تحسّ بلذة الوصول للرفضك و تشّفِي غلِيلَك وتحسّ طعم الإنتصار، صدقني الإنتصار الحقيقي؛ في الفوز بقلب بيحبك مش بتحبُه بس..

Fact:
انا وصحابي واحنا بنتفق علي خروجه العيد 😂😂