KEMET TOUR

ماوراء القناع 🎭👀
القصه التي لا تحكي عن حياة الملك الذهبي توت عنخ آمون✨️

ما وراء القناع القصة التي لا تحكي عن حياة الملك الذهبي توت عنخ امون علي الرغم من اعتبار الكثيرين للملك توت عنخ امون انه محظوظ او انه ملك عظيم بسبب مقتنيات...

🕳️🐴 هل تتخيل إن "حمار" كان السبب في اكتشاف واحدة من أعظم المقابر الرومانية في مصر؟!

في سنة 1900، وبعد 8 سنين من الحفائر في منطقه كوم الشقافه سقط حمار بالصدفة في حفرة عمقها 12 متر بمنطقة "كوم الشقافة" في الإسكندرية… ومن هنا، اتكشف مدخل واحد من أعجب المقابر اللي شافتها مصر القديمة!

🪦 مقبرة كوم الشقافة مش مجرد مقبرة… دي تحفة فنية ومعمارية جمعت بين الطابع الفرعوني واليوناني والروماني بشكل مدهش!
اتشيدت في مكان قرية "راكوتيس" القديمة، والمقبرة مكونة من 3 طوابق تحت الأرض – وده يُرجح تأثرها بالأسلوب الفرعوني في العمارة الجنائزية.

⚰️ ورغم إنها من نوع Catacomb – اللي عادة بيكون خاص بدفن المسيحيين واستخدامهم كملاجئ من بطش الأباطرة – إلا إن المفاجأة هنا إنها مقبرة وثنية تمامًا!
مفيش فيها أي أثر يدل إن المسيحيين استخدموها في يوم من الأيام.

🎨 اللي بيخلي المقبرة دي مميزة فعلًا هو المزيج العجيب بين:
المناظر الدينية الفرعونية ⛩️
والرموز الرومانية واليونانية 🏛️
وده ظاهر بوضوح في التماثيل والنقوش البارزة على الجدران، وكأنك واقف في متحف تحت الأرض بيحكي
قصة حضارات اتجمعت في مكان واحد

👑 مقبرة الكاهن اللي دمّج الفراعنة باليونانيين! تعالا شوف السر اللي مدفون في "تونة الجبل"! ⚱️🇪🇬🇬🇷

في وسط الصحراء جنب ملوي في المنيا، وتحديدًا في منطقة اسمها "تونة الجبل"، فيه كنز أثري مش بس قديم... ده فريد من نوعه! 😮
اسم الكنز ده: مقبرة بيتوزيريس – وكاهن كبير للإله تحوت في أواخر العصر الفرعوني، لكن المفاجأة؟ المقبرة فيها دمج عبقري بين الفن الفرعوني واليوناني! 👀💥

بيتوزيريس عاش في فترة مصر كانت فيها تحت تأثير الثقافة اليونانية، قبل ما الإسكندر الأكبر يدخل مصر.
الراجل حب يسيب بصمته، فبنى مقبرته على طراز المعابد الإغريقية من برّه، ومن جوّه لسه محافظ على النقوش والديكورات الفرعونية الأصلية! 🏛️⚰️

🤔 يعني وانت جوّا المقبرة هتشوف حاجات غريبة شوية:
أعمدة دورية زي اللي في معابد اليونان
ونقوش لمراسم الدفن مكتوبة بالهيروغليفي

ولو ركزت، هتلاقي رسومات لناس بملابس شبه يونانية، بس بيعملوا طقوس مصرية قديمة!

دي مش بس مقبرة، دي رسالة بتقول إن مصر عمرها ما كانت منغلقة على نفسها… دايمًا بتعرف تدمج، وتحوّل، وتطلع حاجة مفيش زيها 💫

📍 تقدر تزورها النهاردة في تونة الجبل – جنب مقبرة إيزادورا وتمثال أبو الهول الصغير، في واحدة من أجمل جولات الصعيد اللي ممكن تعيشها!

🔥لو عايز تعيش تجربة مختلفة وتحس إنك واقف في مفترق طرق بين حضارتين… يبقى لازم تروح مقبرة بيتوزيريس بنفسك 🌍🔥
#بيتوزيريس

🗿 الإله نيلوس.. حين أصبح النيل إلهًا! 🌊

في قلب مدينة الإسكندرية، وتحديدًا بمنطقة سيدي بشر (المحمّرة)، تم اكتشاف واحدة من أندر القطع الأثرية الرومانية:
تمثال الإله "نيلوس"، الذي يعود للقرن الثاني الميلادي.
عُرض التمثال لفترة مؤقتة في متحف الآثار بمكتبة الإسكندرية،
ثم عاد ليستقر في مكانه الأصلي داخل المتحف اليوناني الروماني عام 2022.

👑 لكن قبل نيلوس...
هل الفراعنة عبدوا النيل؟
الفراعنة عظّموا نهر النيل باعتباره شريان الحياة ومصدر الزراعة والرخاء،
لكنهم لم يخصصوا له إلهًا باسمه، بل جسّدوا فيضانه في هيئة الإله حعبي.

ومع دخول الرومان مصر، ظهرت فكرة تأليه النيل ذاته، فظهر لنا الإله "نيلوس" كرمز للوفرة والخير.

🎨 وصف التمثال:
▪️ الإله نيلوس يظهر في وضعية مضطجعة.
▪️ يستند بمرفقه الأيسر على فرس النهر.
▪️ في يده اليمنى سنابل القمح، وفي اليسرى قرن الخيرات، يعلوه جزء سفلي لطفل صغير – رموز للخصب والنماء.
▪️ الجسد العلوي عارٍ، بطنه ممتلئة ومترهلة،
▪️ بينما يغطي الجزء السفلي عباءة ملكية.

💬 التمثال مش مجرد عمل فني، ده رسالة بصرية من الماضي بتكشفلنا نظرة الحضارات القديمة لنهر النيل،
وشايفينه إزاي مش بس نهر... بل إله يمنح الحياه .

📣✨ جولة سياحية لا تُفوّت في قلب القاهرة التاريخية! ✨📣
هل أنتم مستعدون لاكتشاف سحر القاهرة الإسلامية وروعة عمارتها؟ 🕌🧭

في جولتنا الجاية، هنعيش يوم مليان تاريخ وفن وجمال، وهنزور فيه:
🔹 جامع الحاكم بأمر الله
🔹 مسجد وسبيل السلحدار
🔹 مسجد الأقمر
🔹 حمّام إينال
🔹 جامع الأشرف خليل
🔹 مجموعة قلاوون
🔹 بيت السحيمي
🔹 قصر بشتاك
🔹 كُتّاب عبدالرحمن كتخدا
🔹 جامع الأزهر – جوهرة العمارة الإسلامية 💎

🎉 وكمان مستنيكم جولة ترفيهية ممتعة في قلب شارع المعز!
هنتجمع ناكل ونشرب سوا ونتعرف على بعض في أجواء تراثية جميلة وذكريات مش هتتنسي! 🍽️☕💬
💰 المشاركة مجانًا بالكامل – يعني لازم تكونوا معانا!

📌 الجولة هتكون بصحبة:
🎤 المرشد السياحي: زياد الحداد
🎤 المرشدة السياحية: مريم صلاح

📲 تابعونا لمزيد من التفاصيل عن نقطة التجمع وموعد التحرك!
جهزوا الكاميرات والطاقة الحلوة واستعدوا ليوم مختلف! ❤️