Alaa Ezzat

أفشة:
"مثلي الأعلى من وأنا صغير هو أبو تريكة، الراجل ده أنا بحبه جدًا، ولما اتعاملت واتكلمت معاه حبيته أكتر وأكتر. إحنا من بلد جنب بعض، ومحمود أخوه صاحبي جدًا، والناس دي احترام وأدب وتربية وحاجات حلوة من الزمن الجميل.
فكرة إن سيف ابنه يبقى أنا مثله الأعلى كانت حاجة مكنتش فاهمها، كنت فاكره بيحبني عادي، لكن لقيته بيقولي: أنت مثلي الأعلى. ومرة جه المغرب مخصوص عشان يتفرج على ماتش بسببي، وجالي الفندق وقعدنا سوا واديته التيشيرت، وإحنا دايمًا على تواصل، وهو اللي بيخليني أكلم أبو تريكة.
وفي مرة وأنا بكلمه، قالي: سيف بيحبك أكتر مني."

ليفاندوفسكي بقميص الأسطورة محمد صلاح ومنتخب مصر في شوارع أمريكا

🗣عماد متعب مع سهام صالح: كابتن مانويل جوزيه كان مانع اي حد يجيب اكل من بره وقال لو لقيت حد بياكل من بره مش هيلعب معايا

وبركات كل يوم كان بيشتري كبده من واحد قدام النادي وكنا بنتجمع انا وهو ومعتز اينو

المهم ابو تريكه جه ف مره وشافنا واحنا بناكل وقالنا كابتن مانويل جوزيه مانع الكلام ده حافظوا علي صحتكم ولو اتكررت تاني هقوله فبركات قال لابو تريكه تعالي بس ده اكل بيتي وهيعجبك ابو تريكه مسك رغيف وعجبه ودخل علي الرغيف التاني والتالت واليوم اللي بعده قالنا اعملوا حسابي معاكم وخليه يزود شطه ومخلل

ابو تريكه تاني يوم قعد ياكل معانا وجه بركات قايلنا انا رايح الحمام وجاي وبعد خمس دقايق لقينا الباب بيتفتح جامد وبركات ماسك مانويل جوزيه من ايده وبيقوله اتفضل اهو ابو تريكه بيشتري اكل من بره كل يوم وأوزان اللاعيبه كلها زايده بسببه

وابو تريكه حاطط ساندويتش الكبده ف بوقه مش عارف يتكلم وبيقول لمانويل جوزيه ده اكل بيتي ياكابتن
وبركات واقف بيضحك وبيقوله كفايه كدب ياتريكه وعاملي فيها شيخ هو فيه اكل بيتي اسمه الفلاح وكمان بيجيبلك مخلل مع الاكل😅

بلال عطية مع ابو تريكة وسيف ابنه❤️