Pro Champ Swim Academy

السباح اللي دايما بارد في التمرين وبيجيله رعشة
السر اللي محدش بيقوله للناس

اغلب الاهالي لما يشوفوا ابنهم السباح داخل المية ويحس انه بردان وبيترعش يفتكروا ان السبب ان المية ساقعة او ان الولد ضعيف لكن الحقيقة اللي محدش بيشرحها ان رعشة السباح في التمرين رسالة من الجسم بتقول ان المخزون الحراري قليل جدا ومش مكفي التمرين ولا الحمل البدني

السباحة رياضة مختلفة تماما عن اي رياضة تانية الجيم والجرى والالعاب كلها بتخلي حرارة الجسم تعلي لكن السباحة بتعمل العكس الجسم بينزل حرارته جوه المية بسرعة كبيرة ولازم يكون عنده مخزون طاقة ودهون صحية يكفي انه يحافظ على حرارته ويشغل العضلات في نفس الوقت وده السبب الحقيقي اللي بيخلي بعض السباحين يرجعوا من التمرين جسمهم ساقع ووشهم باهت ومش قادرين يتكلموا

اللغز بقى ان السباح اللي جسمه قليل الاكل معندهوش الدهون الصحية اللي بتحميه جوه المية ولا عنده الكارب اللي يغذي العضلات ولا البروتين الموزع على اليوم اللي يخلي جسمه ثابت وعشان كده اول ما ينزل المية يبدأ يفقد حرارته ومع اول نص ساعة يدخل في الرعشة اللي الاهالي فاكرينها ضعف وهي في الحقيقة قلة مخزون داخلي

في نقطة محدش بيقولها ان السباح اللي وزنه قليل او حرقه عالي جسمه بيستهلك طاقة اكبر في محاولة حفظ حرارته اكتر من طاقة التمرين نفسه يعني نص مجهود الولد رايح علشان يحافظ على حرارة جسمه مش علشان يشغل عضلاته وده سبب ان في سباحين اقوياء لكن اداءهم ينزل فجأة جوه التمرين وميكملوش اخر المجموعات

الحل واقعي ودقيق ومش كلام عام

ان السباح لازم يدخل التمرين وهو واخد نوعين من الطاقة

طاقة تدفي

وطاقة تشغل عضل

وده مش هيحصل من وجبة واحدة كبيرة بالعكس لازم يكون ماشي على يوم كامل موزع فيه كارب ودهون صحية وبروتين

دهون زي الزيت المكسرات الافوكادو

وكارب قبل التمرين زي البطاطا الموز الشوفان العسل

وبعد التمرين كارب سريع يرجع الطاقة ويوقف الرعشة دي تماما

اللي محدش يعرفه ان السباح لو مكمل على نظام قليل سعرات يوم بعد يوم جسمه يبدأ ياخد من العضلات ويحرقها علشان ينتج حرارة وده اللي يخلي شكله رياضي بس ضعيف القوة

ده السبب ان بعض السباحين شكلهم كويس لكن اداءهم نازل وبيترعشوا في اول ساعة تمرين

الموضوع مش برد الموضوع علم طاقة ناقصة وسباح بيحارب لوحده جوه المية ولما نغطي احتياجه اليومي صح كل ده يختفي ويرجع اقوى ويقدر يكمل التمرين من غير رعشة ومن غير احساس بالبرد

👊🏼 متى نقول عن السباح إنه محترف؟

السباحة مش مجرد رياضة… هي نظام حياة. الاحتراف ما يجيش بالصدفة، ولا بسن معين. الاحتراف يجي لما تتوفر 4 عناصر أساسية:

🔥 الحجم الساعي:
الاحتراف يبدأ وينتهي مع عدد الساعات في الماء. من غير التزام يومي وتدريب منتظم (4 إلى 6 مرات في الأسبوع)، مستحيل تبني جسد وفكر سباح محترف.

🧬 المؤهلات الجينية والخلقية:
الطول، عرض الكتفين، شكل القدمين، والمرونة الطبيعية… كلها تلعب دور كبير. مش كل جسم مهيأ يسبح بنفس الكفاءة، لكن كل جسم يقدر يتحسن لو عرف يخدم على نقاط قوته.

📈 الاستمرارية:
النتائج ما تظهرش بعد شهر ولا شهرين. المحترف هو اللي يصبر، ويتطور عام بعد عام، رغم التعب، رغم الإصابات، رغم الضغط.

🎯 التركيز والانضباط:
كل تمرين لازم يتخدم بعقل. الاحتراف ما يعنيش تسبح كثير فقط، بل تسبح بذكاء. تنتبه للتكنيك، للسرعة، للتنفس، وتخلي كل حركة محسوبة.

🚀 الاحتراف ما هوش لقب… هو أسلوب حياة. والسبّاح اللي يجمع بين الجهد، التركيز، الجسم المناسب، والصبر، هو اللي يقدر يلبس لقب “محترف” بكل استحقاق.