A One Maritime

بيتم تعرفي البلاد الغير ساحلية علي انها محاطة تماما بالارض وبعص البلاد دي فيها خطوط ساحلية لكنها موجودة بس في البحار المغلقة.. ممكن يكون فيه انهار بتمر في البلاد دي وممكن يكون فيه بحيرات بس حدودها كلها يابسة ومن بين كل دول العالم فيه 49 دولة غير ساحلية وللاسف ده شىء صعب عليهم نظرا لان معظم التجارة بتتم عن طريق المياه وده بيقلل من فرصهم في المشاركة في عدد كبير من الفرص التجارية. ده غير ان البلاد اللي مش ساحلية حواليها بلاد تانية يعني عشان توصل لساحل لازم تعدي اكتر من بلد..وطبعا البلاد دي بتفقد موارد مهمة زي مصايد الاسماك واللي بتساعد علي رفع اقتصاد اي بلد..وبالرغم من كده الا ان فيه دول مش ساحلية وبقت غنية جدا زي النمسا وسويسرا وده برده بيرجع انهم جوه اوروبا واحدة من اغني القارات في العالم ولكن معظم البلاد الغير ساحلية التانية مش غنية.تعتبر اكبر دولة غير ساحلية من حيث المساحة هي كازاخستان.. واصغر مدينة هي الفاتيكان.. واكبر دولة غير ساحلية من حيث عدد السكان هي اثيوبيا والفاتيكان هي الاقل من حيث عدد الكسان.. ويعتبر البلاد الغير ساحلية حوالي 11% من اجمالي مساحة العالم و7% من سكان العالم.طب ايه هما البلاد الغير ساحلية؟؟
- في امريكا الجنوبية مفيش الا اتنين بوليفيا وباراغواي.
-في اوروبا فيه 14 دولة زي النمسا واندورا وبيلاروسيا والتشيك والمجر وليختنشتاين ولوكسمبورغ ومقدونيا ومولدوفا وسان مارينو وصربيا وسلوفاكيا وسويسرا والفاتيكان.
-افريقيا فيها 16 دولة زي بوتسوانا وبوروندي وبوركينا فاسو وجمهورية افريقيا الوسطي وتشاد واثيوبيا وليسوتو وملاوي ومالي والنيجر ورواندا وجنوب السودان وسوازيلاند واوغندا وزامبيا وزيمبابوي.
-اسيا فيها 12 دولة زي افغانستان وارمينيا واذربيجان وبوتان ولاوس وكازاخستان وقيرغيرزستان ومنغوليا ونيبال وطاجيكستان وتركمانستان واوزبكستان.ولو ركزنا هنلاقي ان بلاد كتير في غرب اسيا عي حدود بحر قزوين الداخلي وده ميزة بتوفر فرص للتجارة والملاحة.

مع بداية الشتاء كل الانظار بتروح للبحث عن اسماء ومواعيد النوات الشتوية في مصر ( البحر المتوسط والبحر الاحمر)بمناسبة الشتاء لازم نعرف مواعيد النوات والامطار في مصر كمعلومة عامة ودي بتكون مهمة جدا للعاملين في مجال الملاحة.طب ليه مهمة للعاملين في مجال الملاحة؟؟لازم يكونوا عارفين مواعيد النوات عشان يعرفوا مواعيد نزول المطر وغلق البوغاز وتنسيق مواعيد الشحن والتفريغ عشان ميحصلش اي غرامات او تكدس للشحنات او ضرر لأي شحنه بسبب المطر.

كما ذكرنا سابقًا.. Gencon هي اكتر voyage charter party في انحاء العالم كله.. وده لاكتر من سبب زي:
1- تم اصداره من قبل BIMCO وهي منظمة دولية كبيرة
2- هو نموذج بسيط من charter party بيوصف بوضوح كل الشروط الرئيسية لميثاق الرحلة.
3- إنها عامة ، وممكن تستخدم في كل انواع التجارة ومش متخصصة فقط في شحنة او منطقة معينة زي اشكال c/p التانية..
4- دا غير انها بتضمن شروط تعتبر مألوفة للمستأجر (Gencon 76) أو مألوفة للمالك (Gencon 94) ، فهي بشكل عام charter party عادلة.

نادي الحماية والتعويض هو جمعية تعاونية غير حكومية وغير هادفة للربح وبتتكون من مالكي سفن ومشغلين ومستأجرين وبحارة.. واتاسس النادي ده بسبب عامل المخاطرة.. يعني ممكن مالك السفينة يواجه خساير كتير لو السفينة بتاعتها اتعرضت لحادث او حصل ضرر للبضايع مثلا.. ده غير المخاطرة اللي بتحصل علي حياة البحارة نفسهم.. فبالتالي تأمين p&I هو جانب مهم جدا من جوانب الخدمة البحرية.. لأنه بيأمن كل من هو يعمل في المجال البحري تجاه اي مخاطر او حوادث ممكن تحصل..

التخليص الجمركي هو عملية نقل البضائع من خلال مصلحة الجمارك لتسهيل حركة البضائع إلى بلد ما (استيراد) وخارجه (تصدير). وكمان بيُقصد بالتخليص الجمركي انه مستند صادر عن سلطة الجمارك للشاحن بيقوله أنه تم دفع جميع الرسوم وأن بضاعة الشاحن تم تخليصها للتصدير.
ويعتبر التخليص الجمركي واحد من الخطوات الضرورية اللي بتمر بيها عمليات التبادل التجاري الدولي، وبفضل الأهمية الكبيرة للخطوات دي لازم المستورد والمصدر يدرسوها بصورة كاملة ، وتتلخص عملية التخليص الجمركي في نقطتين رئيسيتين، أولاهما هي عملية انتقال البضائع خلال الجمارك وثانيهما هي العملية المستندية اللي تتضمن إعداد وتقديم جميع المستندات الخاصة بالبضائع ودفع الرسوم والضريبة الجمركية.