Micro Grammar

أسرار التحدث بالانجليزيه

تعالوا نشوف حاجة كدا على الماشي ! 😉
معظمنا لما بيسمع حد بيتكلم English، وتكون حاجة اول مرة يسمعها، فا بيرددها هو كمان فى كلامه من غير ما يتأكد منها اذا كانت صح ولا غلط 😲
عشان كدا لازم تاخد بالك من الـ Common Mistakes دي 😉
ومن ضمنها انك ماينفعش تقول " I speak English very good " !! 😃
لان كلمة Good - صفة " adjective " لازم تيجي قبل الأسم عشان توصفه مش بعده وكلمة Good عاوزين نقولها فى الجملة دى عشان نوصف الـEnglish بتاعنا ..
يبقى المفروض نرتب الجملة صح ونقول I speak very good English
• أما لو عاوزين نقول نفس الجملة بنفس ترتيبها الاولانى ..
يبقى المفروض نستخدم كلمة well بدلا من كلمة good
لان well- ظرف والظروف عادة بتصف الافعال
يبقى المفروض نقول I speak English very well
وهنا كلمة well جات بعد الفعل speak عشان توصفه
تاج بقا لصاحبك اللى دايما بيلخبط ليك الـ English بتاعك

طووووووووووول عمــــــرنا بنســـــــأل نفســـنا إيـــــه الفــرق بيــن
I like something و I love something

بص ياسيدي like معناها انك معجب بحاجة
😚

بس مش ضرورى تكون بتحبها بمعنى انه مجرد شعور بالاعجاب وبس زي مثلا لما واحدة تحب تخلع من واحد فاتقوله بص انا معجبه بيك لكن دا مش معناه اني بحبك
😂

لكن love بقى قووووية اوي لأنها تعني انك جواك مشاعر للحاجة اللي انت معجب بيها وعدم وجودها بيكون عامل محبط بالنسبالك
😍

طيب احنا دلوقتي حلينا المشكلة دي بس احنا لازم نحط التاتش بتاعنا
😄

في كدا كام كلمة بردو بتعمل مشكلة عويصة لناس كتير
زي(admire, enjoy, adore)
😵

تعالى نرتبهم ونشوف. و نتخيل سوا المثال دا :
😉

انا دوقت أكلة وعجبتني، بعدين عاوز اروح البيت بسرعة عشان فى فيلم رعب جاي وانا بستمتع بمشاهدة أي فيلم رعب وفجأة وانا في البيت لاقيت صاحب بابا اللي بينى وبنكم راجل كدا إنما ايه قدوة دايما بحب وجوده لأنه بيعمل جو فى البيت رائع جدا لأنه بيحكي عن الروايات اللي بعشقها ودايما بكون حريص على قرايتها. يلا نشوفهم بقا في جمل هتوضح الفرق بين الكلمات دى
kiki emoticon

I like Sushi (1
2) I enjoy watching horror movies.
3) I admire my father's friend.
4) I love the atmosphere that my father's friend create every time he is at our home.
5) I adore the novels which he told me about.

احنا عرفنا الفرق بين الكلمات دى Love - Like - admire - enjoy - adore

قولنا بقا لو هتستخدم كلمة فيهم فى جملة هتكون إيه ؟؟