Om Shams

عارف لما تصعب عليك نفسك؟ لما تحس إنك وحيد، مفيش حد يسندك، لا ظهر ولا سند، ولا حتى دفء العيلة، الصحاب أو القريبين؟ تحس إنك عايش وحيد، جواك فراغ كبير، هش زي إنك واقف على حافة جبل، وأقل نسمة هوا ممكن توقعك.

الشعور ده مؤلم، وسببه التراكمات اللي عشتها وشوفتها في حياتك. لما تمر بكل أنواع الوجع، وكل مرة يكون أصعب وأبشع من اللي قبلها، طبيعي تكون دي النتيجة. تفضل طول الليل صاحي بتعيط من غير سبب واضح، لكن جواك فيه وجع ماحدش حاسس بيه.

بس برغم كل ده، لازم تقوم. لازم تكمل حياتك. لأنك مش لوحدك في الدنيا دي، وفي مسؤوليات عليك لازم تخلصها. الحياة بتتحرك، وأنت كمان لازم تتحرك معاها.

وكمان، متحسدش حد على عيشته أو ضحكته. لأنك ما تعرفش هو عايش إزاي، ولا شايل جواه إيه. اللي بتشوفه هو الظاهر بس، لكن الحقيقة أعمق. متقولش "يا بختها" أو "يا بختهم"، لأنك ما تعرفش ظروفهم أو حياتهم من جوه عاملة إزاي.

أنا كمان، محدش عارف أنا من جوايا عاملة إزاي. عشان كده، بقولكم: كفاية، خلي كل واحد في حاله.
😔💔