ASK ARC

كوبنهاجن عاصمة الدنمارك..حياة أفضل مع العمارة المحلية الملونة وشوارع المشاه.

"بنك القاهرة - سيوة"
بنك القاهرة فرع سيوة، محاولة لإحياء العمارة المحلية والحفاظ على هوية المجتمع..

الكونسبت - العلاقات الوظيفية المظبوطة - الواجهات من أهم الحاجات اللى لازم تكون واضحة فى مشروعك عشان يكون مميز..

Send a message to learn more

📏✋ القياس باليد: طريقة سريعة لتحديد الأبعاد!
📏✋ Hand Measurements: A Quick Trick for Sizing Up!
أحيانًا، القياس باليد يمكن يكون أسرع وأسهل من استخدام الأدوات الدقيقة.
الـ “يد” وحدة قياس طول تساوي 4 إنشات (101.6 مم)، ولسه لحد دلوقتي بتستخدم لقياس ارتفاع الخيل في دول زي أستراليا وكندا وبريطانيا وأمريكا..الوحدة دي كانت مبنية على عرض يد الإنسان، وبقت معيار موحد بعد 1959..القياسات بتكون على أساس 4 يعني الأجزاء بعد النقطة هي أرباع يد (إنشات) فمثلاً..62 إنش تساوي خمسة عشر وربع يد، أو 15.2 hh، واللي عادةً بنقولها “خمستاشر واثنين”.

ازاي اكون مهندس لسه متخرج وعندي خبرة ؟؟

من غير كلام كتير وبكل بساطة إنت تقدر تحصل علي الخبرة أثناء دراستك أصلاً وبتكون خبرة معتمدة عند كتير من الشركات

لو إنت حابب تشتغل في مجال التصميم والإخراج فكل اللي محتاجه هيكون شوية كورسات للبرامج اللي بتحبها أولهم وأساسيهم الأوتوكاد وبعد كده ييجي الريفيت وبالنسبة ليك إنت 3d max & photo shop & وكتيرمن برامج الإظهار والإخراج ودي كفيلة تشغلك في اي مكتب متخصص في مجال التصميمات والإخراج " ممكن في الأول بس فترة هتتحمل تشتغل بدماغ صاحب المكتب أو العميل نفسه بس مع الوقت واكتساب الخبرة والمهارة هيكون عندك فرصة تشتغل بدماغك وابداعك انت " .

طيب لو محتاج بقي تشتغل مهندس موقع وحابب تنزل تستلم وتنفذ بنفسك فبجد الموضوع سهل خلال فترة دراستك تقدر تنزل أي موقع تتدرب مش شرط شركة لو اتدربت من عمال ومقاولين عاديين هتتدرب ولو رحت لأي موقع محترم وطلبت من المدير إنك تتدرب مش هيرفض وهتتعلم كتير وده ممكن يكون طريق ليك إنت تشتغل في نفس الشركة لما تتخرج أو هتكون خبرة ليك حلوة مع إنك لسه متخرج..

لو حابب تشتغل مكتب فني في موقع أو تقوم بعمل رسومات الشوب دروينج أنصحك بأنك تاخد خبرة الموقع نفسه عشان ده هيفيديك كتير وهتقدر من خلال اللي شفته بنفسك تعمل تفاصيل ورسومات وطبعاً إنت كده كده متدرب علي البرامج الهندسية وبرامج الرسم والأدوات بتاعتها..

طيب ياعم المهندس بقي أنا معملتش أي حاجة من كل ده لا اتدربت أثناء الدراسة ولا ليا حد شغال في شركة ولا أي حاجة ازاي ممكن أخد خبرة بقي واشتغل أصلاً..

أولا بجد مش كلام لازم تبقي واثق في نفسك أوي وإنك تقدر تلم بكل حاجة ولو عايز الموضوع الأول إنك تشتغل برامج فتقدر تاخد شوية كورسات وتتعلم وتدرب في شركة حتي لو ببلاش..
ولو عايز تنزل موقع فبجد ده أسهل حاجة شوية فيديوهات علي اليوتيوب تشوف استلام البنود وهتلاقي كتير أوي حتي العمال نفسهم بيصوروا فيديوهات في المواقع هتفيدك كتير وعلي الأقل لما تروح أي انترفيو هتقدر تتكلم وتقول إزاي انفذ وازاي استلم وتقول شوية مصطلحات هتبين إنك فاهم وتستحق الفرصة وهتاخد خبرة أكبر وانت بتشتغل وكل اللي شفته فيدوهات أو قريته هتشوفه عملي..

وأخيراً عشان منساش عايز أقوللك إن كتير من الشركات بقت بتطلب حديثي التخرج عشان بكل بساطة انت هتتعلم وهتديله اللي بيديه مهندس الخبرة " نوعا ما " وبأقل تكلفة

اوعي تيأس واطمن وهتبقي زي الفل بس دايماً طور نفسك واقرأ أكتر عشان المجال ده مش بيخلص ولا بيقف..