Cook with Love

باميه باللحمه 🍲
جماعة باميه يعني صلصة بالتوووم
" انا مبعتمدش البصل مع الباميه ابدا ابدا "
و جربو و انتو تعرفو الفرق
و نبدأ بقي 😋
في حله سيحت سمنه نزلت فيها توم مهروس و طلع ريحتو نزلت اللحمه اللي عندي تاخد تشويحه خفيفه اوي " القطعية موزه " و حطيت معلقه صغيره فلفل اسود و نزلت نص كوباية مايه سخنه عشان بس اللحمه تبدأ تخش فالسوا و اول ما شكتها بالشوكه و لقيتها اتشكت كده من الوش نزلت عليها بطماطم معصوره فالخلاط و سبتهم يخدو غالوه مع بعض و التوم و اللحمه و الصلصه سواه سواه و عشان انا الباميه فروزين نزلتها اخر حاجه و وطيت النار و سبتهم بقي شوية كده كلو سواه و بعد تلت ساعه تقريبا اتأكدت ان كلو استواه و اللحمه تمام الباميه تمام نزلت ب معلقه ملح و قلبت و طفيت و بعد ما طفيت نزلت عليهم بقي بعصرتين ليمون و قلب قلب قلب و رحت نقلتها فالطاجن و دخلت الفرن شغلت الشواية بس مفيش ٥ د " الخطوة دي اختيارية احنا بنحب الحاجه تاخد وش ممكن نستغنا خالص عن خطوه الفرن اصلا " و هيبقي نفس النتيجه التحفه
باميه بطعم زمان من غير افتكاسات و خطيييرة تتاكل بعيش طازه و بتنجان مخلل و الف هنا و شفا

🫣😋 كنت عامله بتنجان و فلفل مخللين ملحقتش اصورهم