TechVaya

الاعلام الاجتماعى صنع ثورة حقيقية فى مفهوم التسويق باتجاهيه (التسويق للشركات B2B او التسويق للافراد B2C)
اعرف المزيد من خلال الرابط ^_^ ... http://bit.ly/1PQ1xPO

اهمية الاعلام الاجتماعى فى التسويق الالكترونى بوصول منصة مثل الفيسبوك الى رقم 1.44 مليار مستخدم مع زيادة يومية تقدر بنصف مليون مستخدم جديد - و هذة الارقام فى شهر ابريل من عام 2015- و منصة تويتر ال...

بتبيع منتج او بتقدم خدمة ؟؟
عندك فكرة موقع وعايز تنفذها ؟
نفسك تكسب من اعلانات جوجل ادسنس ومعندكش موقع ؟؟


شركة تك فايا TechVaya - - للتطوير التكنولوجي للاعمال هتصمملك موقعك اللي بتحلم بيه .. اللي من خلاله هتقدر تزود مبيعات منتجك او خدمتك وتوصل لهدفك بأسرع الطرق..

العرض يشمل التصميم + البرمجة + لوحة التحكم + الشعار + الاستضافة + الدومين + الدعم الفني .. كله ده فقط ب 1499 جنية مصري

لمشاهدة صفحة تصميم المواقع : http://techvaya.com/web-design.html

لمشاهدة سابقة اعمالنا : http://techvaya.com/portfolio.html

للاستفسار والمتابعة الاتصال علي : 01118016238

يعنى ايه فرانشايز او حق الامتياز فى عالم البيزنس ؟!

تفتكروا مطاعم زى ماكدونالدز او اماكن زى كوستا كافية و اللى ليهم الاف الفروع فى كل حتة فى العالم بتكون خاضعة اداريا للشركة المالكة برا البلد ؟!

لحل المشكلة الادارية دى فيه حاجة فى البيزنس اسمها الفرانشايز او حق الامتياز و دي علاقة بتكون ما بين اتنين : واحد عنده منتج ناجح و علامة تجارية مشهورة و واحد معاه راس مال و عاوز يعمل بيزنس من غير مخاطرة كبيرة.

الأول بيدى التانى حق انه يفتح فرع او اكتر فى مكان معين و يقدم نفس منتجه و يستخدم فيه نفس العلامة التجارية و بيكون مقابل نسبة من الارباح، و التانى بيستفيد انه بياخد منتج متجرب و مؤكد نجاحه بنسبة كبيرة و بيستفيد برده بالعلامة التجارية الناجحة بدل ما يبنى علامة تجارية من الأول او المعروف باسم الBranding.

و بغض النظر عن الماركات العالمية الكبيرة فكتير من الماركات المحلية بتستخدم حق الامتياز فى تزويد عدد فروعها فى المحافظات او الاماكن المختلفة بمنطقة الشرق الأوسط بس الاعلان عنها مش بيكون قوى و ده لأن معظمهم بيفضل ان ماركته التجارية تظهر بشكل موحد و مش تحت اكتر من ادارة منفصلة.

فمثلا لو انت مستورد او مصنع لمنتج معين و السوق بتاعه كبير و شايف ان امكانياتك مش هاتسمح بتغطيه السوق كله كعدد منتجات او فروع توزيع او غيره و عاوز تغطى الفرصة دى قبل ما السوق يوصل لمرحلة التشبع .. أتعرف اكتر على حقوق الامتياز و جانبها القانونى و ابدأ اعلن عن اتاحة الفرصة لتواجد فرانشايز عندك.

ازاى تعمل خطة اعمال للبيزنس بتاعك ؟!

كل بيزنس مهما كان حجمه او المرحلة اللى بيمر بيها لازم يكون ليه خطة اعمال واضحة وواضح فيه كل التفاصيل العامة اللى محتاج يعرفها اى حد عاوز يتعرف على البيزنس بتاعك, من مستثمرين او شركاء او حتى الموظفين.

جوجل عملت مبادرة لتنشيط ريادة الاعمال و رعاية رواد الاعمال و كان اسمها ابدأ مع جوجل و الكلام ده كان سنة 2013 ... bit.ly/1HWqnjU

و من المحاضرين كان رجل الاعمال / زياد على - مؤسس شركة الزواد لتكنولوجيا المعلومات و المدير السابق لشركة فودافون بالمنطقة - وده كان ملخص سريع لرده على سؤال : كيفية عمل خطة اعمال ؟

" فيه اقسام رئيسية لازم تشملها اى خطة اعمال من ضمنها لما تتكلم عن خطة عملك بتبدأ بتعريف فكرتك بوضوح زى مثلا النساجون الشرقيون فى بداية عمله كان فكرته واضحة 'سجادة فى كل بيت فى مصر' ..
و بيوصف فكرته اكتر على انها انشاء مصنع للسجاد و توفير سجادة مصرية الصنع فى كل بيت مصرى .. فبيكون فى المقدمة او التعريف ده الغرض من البيزنس او الشركة بشكل واضح.

تانى حاجة محتاج تكون موجوده هى الفريق نفسه او طاقم العمل بامكانياته و خبراته السابقة باختصار وده لتوضيح ازاى ان الفريق الموجود هايقدر يحقق الفكرة الواضحة للبيزنس اللى اتقالت فى الأول .. ده غير ان المستثمر اللى بيبدأ مع شركات ناشئة
بيستثمر فى الفريق و امكانياته اكتر من الفكرة نفسها مهما كانت قوتها.

النقطة التالتة هى الفرصة اللى فى السوق او فين الحتة اللى فى السوق اللى انتا عاوز تملاها بالفكرة او البيزنس ده .. فبتوصف السوق و المساحات اللى فيه و الفاعلين اللى فيه و مكان المساحة او الفرصة اللى انتا شايفها فاضية - زى مثلا ستاربكس او سيلانترو لما بدأ كان المساحة ان مفيش مكان الناس تقعد فيه و تقضى وقت او تذاكر فيه و تاخد فيه على فنجان القهوة .. و بتوصف برده الطباع او العادات بتاعة المستخدم فى السوق ده و شرائح المجتمع اللى بتستهدفها.

بعد كدا بتشرح حلك انت و الطريقة اللى هاتسد فيها الفرصة دى بالفكرة دى باستخدام الفريق ده.

و بعد كدا بتوصف المنافسين و امكانياتهم و ازاى انتا هاتقدر تتغلب على المنافسة دى فبتوضح ايه المميزات التنافسية عندك .. او بمعنى اوضح : "ليه الناس هاتقبل على حلك فى مقابل حلول الناس التانية؟"

النقطة التالية هى الBusiness Model او نموذج العمل او "هاتجيب فلوس ازاى -شكل الايرادات و قنواتها- و هاتصرفها ازاى اوشكل مصروفاتك و قنواته ؟"

و فى اختيارك للفكرة او اتجاه المشروع الصغير بتاعك لازم تراعى ان الفرصة اللى فى السوق بتغطى شريحة كبيرة من المستخدمين على الأقل فى السوق المستهدف، يعنى مثلا لو بتتكلم عن فكرة هاتغطى منطقة معينة زى شبرا، لازم تكون شريحة المستخدمين او المحتاجين للحل بتاعك كبيرة او غالبية مادام بتتكلم عن سوق مستهدف، و بتتكلم عن تردد احتياجهم ده ان كان يومى او شهرى او سنوى لان التردد بيفرق جدا لأن الفرصة بتكون قوية كل ما بتكون شريحة المستخدمين كبيرة و تردد احتياجهم عالى."

----

الفيديو ده فيه الرد بالتفصيل و بأمثلة اكثر و خصوصا فى نقطة ال Business Model

ابدأ مع Google: كيفية عمل خطة أعمال - زياد علي زياد علي، مؤسس شركة الزواد لخدمات المحمول، يشاركنا كيفية عمل خطة أعمال ناجحة. http://www.startwithgoogle.com http://www.startwithgoogle.blogspot.com http://w...