Flourish studio

في أقوال كدا بطمنا لما نحس بالشتات او الخوف وفي أقوال بتوضحلنا الصح لما نحس اننا متلخبطين في وسط الطرق الكتير اللي فالرحلة ، وفي منها اللي بيدفعنا اننا ناخد خطوة ونتحرك لوجهة أفضل في حياتنا✨

الكتب...الكتب عبارة عن بوابة كبيرة بمجرد مابتفتحها بتدخل آلة الزمن وتاخدك لبعيد، وعلى حسب إختيارك للكتاب،انت بتكون حجزت ذكرتك لوجهةجديدة انت اخترت تزورها.

الكتب ممكن تكون بوابة كبيرة لتاريخ سابق احنا ماعشناش فيه، او بوابة تدخل منها الي عالم الخيال اللي بتشحن منه طاقتك وبيخلى حواسنا تشوف وتعيش في أماكن وأحداث مختلفة عن الواقع تماماً ، وكل دا واحنا في مكاننا، بس أكيد بيضيف ويغير فينا كتير.

الكاتب ممكن يعد شهور وسنين يجاهد نفسه وينظم في وقته عشان بس ينقلنا علمه وخبرته اللي إكتسبهم في سنين عشان احنا نقراهم في أيام قليله، الصفحات دي ممكن تغير فينا وفي حياتك وفي حياة اللي حواليك وتجعل منكم النسخة الافضل.

اكتسبت عادة القراءة من فترة قليلة جداً والحقيقة ان نتايجها مؤثرة جداً ، أتمنى تجربوها وتستمتعوا بتأثرها.
من الكتب اللي بقرئها حالياً:
📕كتاب شهر زاد أون فاير -للكاتبة هبة السواح.
📗كتاب العادات الذرية-للكاتب الامريكي چيمس كلير .
📘كتاب خالي من المواد الحافظة-للكاتبة سارة سيف.

والحقيقة انا اول مرة اقرأ عدة كتب مع بعض ، بس الكتب دي كلها بتدور حوالين مبدأ واحد وهو فهم طبيعتنا وطريقة تفكيرنا وازاي نفهم اكتر نفسنا ونتعامل معها ونتطور منها كل يوم وازاي اكتسب عادات ومهارات جيدة تأثر على جودة حياتنا وحياة اللي حوالينا✨
"انت الكتب التي تقرؤها، والافلام التي تشاهدها، والموسيقى التي تستمع إليها،إختر بحكمة ماتغذى به عقلك"
(ديڤيد ويلفي)