SO WHAT

فى عام 2000 سيصبح التليفون
أسهل وسيلة إتصال لأنه ؛
سيكون فى حجم علبة السجائر ، ولا يفارق صاحبه ،رجلاً كان أم امرأة أو حتى طفلاً...
سيصبح لكل فرد فى الأسرة تليفون
خاص به ورقم خاص به
حتى لا ينتظر أحد أن يفرغ غيره
من الحديث فى التليفون...
وسيصبح مظهراً مألوفاً
أن يجلس أكثر من شخص فى غرفة واحدة
ويتحدث كل منهما فى تليفونه الخاص ..
هذا التليفون سيكون متنقلاً
بحيث يمكن نقله للسيارة والشارع
وفى أى مكان تذهب إليه !!! ..

مقال للدكتور مصطفى محمود ،
من جريدة الأهرام
عام 1966

زمان زمان يعني كان ييجي الأب و الأعمام (رجالة العيله) و يأخدوا معاهم شوال خيش كبير مليان اقماع سكر و ياخدوا معاهم الاطفال و يروحوا البندر عند مصنع الحلاوه و ده لسه منه واحد علي ما اعتقد في المحله . و يدوله السكر و يعمل لهم حلاوة المولد علي ما يروحوا ياكلوا الغدا و يرجعوا و كانت احلي حاجه اسمها حلاوه رشيدي و هي كانت بتبقي هشه من جوه و الاب يطلب تشكيله لو حاجه طريه (مربات) او علف و نواشف و لو انت عيل مؤدب و شاطر في الكُتاب ممكن يجيب لك فارس ع الحصان حلاوه او للبنات عروسة المولد و تروح و ييجي يوم المولد نفسه (مَوسم) و تتغدي بقي علي حسب بلدك اهل المحله يعملوا كبابي و دس (رز معمر بالبط) و تشريب (رقاق بمرقة البط) و كسكسي و لو من تات الارياف يبقي محشي كرنب علي وشه قشطه و معاه ظفر ووزه او بطه و بعد ما العيال تاكل و تمصمص رقبة البطه😂 تجيب ايد الهون و حله و تدش الحصان الحلاوه و تقعد تقرقش فيه و يبوش في بقك كده و ناخد الطبليه الخشب اللي بتبقي تحته نحاول نعمل بيها اي حاجه نلعب بيها و دايماً كنا بنفشل بس كانت اجمل و اسعد الاعياد . إحكوا لنا انتم كنتوا بتعملوا ايه و بتاكلوا ايه ؟!