Raghada ramadan

وجالس جميل الروح ،
تصيبك عدوي جماله ♥️

لو هنصح حد من اللي بيعانوا من كتر المشاكل او الضغوط اليومية نصيحة واحدة بس هتكون هي:
- انك تبطل تاخد المواضيع بشكل شخصي

عشان نفهم الموضوع ببساطه هقولكم مثال
فيه شخص بعت مسدج وقال انا عارف انك مشغول ومبتردش ع التليفون بس معلش عاوزك ف حاجه ضروري ودخل ف الموضوع

الشخص الثاني بعد ما اتصل لقي نفسي فجاءه حس ان المشكله عنده وبعدها بعت مسدج طويله مش بترد عليا إنت ليه مطنشني ولا انت متكبر ومغرور وانا عملتك ايه لكل دا !

هنا الشخص الاول مش واخد الموضوع بشكل شخصي وعارف ان كل حد مشغول وعنده أولوياته فلو فلان مردش يبقي اكيد مشغول او عنده سبب

الشخص الثاني للأسف هنا واخد الموضوع بشكل شخصي جدا وحاطط ف دماغه مسبقا انه لا لو مردش يبقي مش بيرد عليا أنا بس وبيرد علي كل الناس وهيبدا يدخل ف مرحله سيئة هل انا اللي قليل وينتقد نفسه ويقلل ثقته بنفسه او يوصف التاني بالغرور …

الحقيقة من فكر الشخص التاني ده انه دخل نفسه في حلقه مفرغه ،بمعني هتاخد الموضوع بشكل شخصي هتتعب اكتر وتشعر بعدم رضا عن اي حاجه ف حياتك ويبدأ بالتدريج الناس تبعد عنك لانك بتاخد الموضوع بشكل شخصي فيتجنبوا معظم الحديث معاك خوفا إنهم يجرحوك او تفهم غلط فتزداد قله ثقة بنفسك وتاخد الموضوع بشكل شخصي اكتر وهكذا
وانه بيخليك تسيب المشكلة الرئيسية وتركز ف جلد نفسك او التقليل منها بدل ما تظبط شغلك وتجتهد اكتر تقول لا انا سئ ووحش ومحدش بيحبني

#الحل ايه:
-اولا لو حصل معاك موقف مع حد معين تعرفه اسأله انت قصدك
كذا افهمه منه عشان تلغي الشكوك دي من جواك

طب لو موقف عابر ( ف طريق ف مطعم ف ركنه عربيه ف مواصلات ، لا ساعتها خد الموضوع بشكل عام جدا مين يعني بيطلب اكل وبيجيله بدري المطاعم زحمه اليومين دول لا فعلا المدير عنده حق اليومين إللي فاتوا مكنتش مركز ف الشغل المفروض اركز واظبط الدنيا اكتر هو بس مش عاجبه شغلي انا شخصيا مليش علاقه بالشركة لان كل المطلوب مني شغل)

وهكذا طبعا الموضوع بيختلف من شخص لشخص بدرجات هو قد ايه بياخد الموضوع شخصي
بس مع الاستمرار بتذكير النفس لا عادي مين يعني مبيحصلش معاه كده و المحاولة والاستمرار هتبدأ تخرج من التفكير ده وتشيل من ع نفسك ضغط كبير جدا

لما تلاقي حاجه حلوه وجميله في الآخرين، عرفهم وقولهم ؛

تشجيعك ممكن مياخدش من وقتك دقيقه ولكن.. يمكن ان يستمر معهم طوال عمرهم ❤️❤️