Bench Kaizen Group

اصدقائي .. # # الحلقة الثامنة # #

_وانتوا معاهم

88- مايخافوش من الجرح ولا الخسارة لأن الحياة يا ما فيها المهم نقوم تانى نقف من جديد وطول ما انا بتعرض لأخطاء ده معناه اني بحاول وبجرب
*********.
89- إن الوقت الصعب بيحلي رؤيتنا للدنيا لأنه لولا الليل ما كان النهار ولا قيمة للنور الا بمعرفة الظلمة....
وتعرف الأشياء بالتضاد
********.
90- علموهم ان صوتهم ما يعلاش في المواصلات مع زملاءهم ولا سيما البنات
*********.
91- لازم يتعلموا اي رياضة لانها تنمي العقل وتسمو بالروح وفيها كثير من القيم زي السباحة .. الكورة .. اي رياضة وخاصة الرياضات الجماعية
*******.
92- علموهم الرفض لما يكون في موضعه ...علموهم يقولوا لأ لما يكون مطلوب منهم ده ...ولكن بأدب وعدم تجاوز
*********.
93- علموهم وعودوهم علي حرية الإختيار . والنقطة دي مهمة جدا هتجنبكم انتم شخصياً مشاكل لا تحصي ولا تعد فيما بعد ..لما يتربي علي الاختيار بنفسه ولنفسه هيشيل عنك انك تختار له طول عمرك وانتم لا يمكن تتحملوا كده علي طول . ده غير انه بيكون شخصية مستقلة محترمة
*********.
94- تحمل عواقب الإختيار
********.
95- علموهم الجَّلَد والصبر لان الدنيا ليست علي وتيرة واحدة . النهاردة الدنيا بتديني ورزقي كتير لكن بكرة معرفش هيبقي الوضع ازاي ..
*********.
96- شوية نجارة و أعمال يدوية يعرفوا يصلحوا بيهم المكسور ..النجارة وغيرها من الاعمال البسيطة المنزلية ..اعرف شيء عن كل شيء واعرف كل شيء عن شيء ...طبعا فاهمين
********.
97- يقروا مواصافات الأدوية و أعراضها قبل ما ياخدوها
*********.
98- فصيلة دمهم و تفاعلات جسمهم مع الأكل أو الأدوية و حتى أنواع الرياضة
*********.
99- يعترفوا بمشاكلهم وان ده مش عيب حتي لا تتفاقم تلك المشاكل
*********.
100- يطلبوا مساعدة كلما احتاجوا المساعدة وان الناس لبعضها وبالطبع يقدموا المساعدة كلما أمكن ذلك ..ودي واللي قبلها يخلينا نروح لنقطة التخلص من الخجل السلبي

# أخطاء فادحة نرتكبها دون أن ندري #
تجربة شخصية
أقع أحيانا في أخطاء في تعاملاتي مع اولادي بشكل يتنافي تماما مع ما نسرده يوميا من نصائح .. وأقربها أمس مع إبني أتي بفعل ضايقني وأشحت بوجهي عنه ونهرته . في حين كان يجب ان اتناقش واتصرف تصرف ايجابي حتي يتعلم من الخطأ ويتعلم تحمل المسئولية ... فنحن نتكلم ونكتب وننصح ونقرأ ولكن الفيصل هو تصرفك المباشر في موقف ما ..أو في رد فعلك تجاه موقف لأبنك أو بنتك .. وجدت شخصيتي تطغي في تصرفي ووجدت من شاب علي شيء شاب عليه ... وبعدها راجعني صديق صدووق فيما فعلت ونبهني الي انني اخطأت ..وأصدقكم القول انني كنت لائم لنفسي ولم تأخذني العزة بالاثم واقررت بالخطأ ..
# # الفوائد من هذا الموقف # #. الا نتوقف عن القراءة . يجب ان ندرب انفسنا جيدا علي التصرف في الأمور المشابهة . ان نفكر جيدا ..ان نفكر جيدا قبل التصرف أو رد الفعل لاختيار افضل الحلول للموقف ولابنك . طلب المشورة من حد قريب منك بس اختار حد يصدقك القول ويسدي لك النصح بإخلاص . إن أخطأت - وكلنا نخطئ - فيجب ان اعترف وأقر بالخطأ . كمان مفيش مشكلة لو اعتذرت لانك بكده بترسي قاعدة مهمة جدا وهي تعليمه الاعتذار ان اخطأ وكمان علشان تعرفه انك بشر ممكن تخطئ عادي وتعتذر
# # اتمني يكون موقف النهاردة مفيد لي قبل ما يكون لكم # #
صباح الفل عليكم جميعا