Gate Solutions

تعمل أيه لو جالك عرض لمسرحية أسمها " بوربوينت " ، و المسرحية دي هتكون عبارة عن عرض مسرحي فردي أو ما يُطلق عليه One Man Show.
هتكون ايه الجملة إلي هتبدأ بيها و ايه مستوي الصوت اللي هتتكلم بي ؟ هتتحكم إزاي في تعابير وشك ؟ طيب هترتب إزاي افكارك؟
المسرح مش بيختلف كتير عن الحياة العملية لأنك في كل مرحلة من مراحل حياتك بيكون لازم تثبت فيها أنك جدير أنك تستحوذ علي المسرح أو بمعني آخر Own the stage.
و علشان كدا أثبتت دراسة أن أكتر من 55 % من شركات الشرق الأوسط بيفضلوا أن المتقدمين للوظيفة يكونوا علي دراية ووعي بمهارات التواصل و التقديم.
فهل عندك مهارات اقناع المشاهد/العميل من خلال عرضك التقديمي؟
لو مش عارف ممكن ننصحك بعض المعلومات زي :
- خليك دايماً مؤمن أن الأفكار هي اللي بتجذب الانتباه خصوصاً لما بتشاركها مع اللي بيسمعك ، و يبقي في جسر للتواصل الفعًال ما بينكوا.
- خلي عندك هدف واضح من كل اجتماع ، و أوعي تسيب مستمعك/عميلك يسأل ايه الهدف وراء الاجتماع ده أو أنه كان وقت مهُدر.
- وضح و بسط أفكارك لأن لكل شخص طريقة و أسلوب في التواصل مختلف عن غيره.
- أدرس عميلك/مديرك و طبيعة شخصيته و مجال عمله بعناية ، لأن ده بيخلق مواضيع مُشتركة تقدر من خلالها تزيل التوتر و في نفس الوقت تكسب مستمعك.
و لو عايز تعرف أكتر عن الـ Public Speaking تقدر تشوف الفيديو ده و اللي بيتكلم في Chris Anderson و هو واحد من اهم مقدمي TED بعض النصائح عن مهارات التقديم http://bit.ly/1Wgd8OT
و مش هتخاف تطلع علي المسرح