Dr Darsh

الشاب الجميل ده كشف عندي كذا مرة
لم أري منه غير طيبة القلب والأخلاق العالية وإبتسامة جميلة
سمعت انه توفي في حادث
أسألكم الدعاء له بالرحمة وربنا يصبره أهله وأحبته
وأحسبه نجح في امتحان الدنيا فصطفاه الله بجواره

إرتجاع المريء وقرحته وجرثومة المعدة وخفقان القلب وضيق النفس والإحساس بالموت ... 🥶🫀
إرتجاع المريء باب كبير ، ومشاكله اكبر بكثير من شوية حموضة وحرقان في الصدر !
إرتجاع المريء ممكن يخلي صاحبه يلف حول نفسه
خفقان في القلب بشكل يخض العيان وكأنه هيموت
ضيق تنفس
قلق وتوتر
نبضة كهرباء تضرب في الجسم كله
آلم مفاصل وتنميل في اعصاب الوجه و اليد
آلم في العضلات
أعراض تشبه بشكل كبير الجلطة القلبية ....
ولكن اطمن في أغلب الأحاول القلب بيبقا سليم وفحصواته سليمة
ولكن خلي بالك علاج المرحلة دي من المرض مش بيحتاج روشتة !
ولكن بيحتاج نظام علاجي كامل :
- دوائي
- وغذائي
- ونفسي
ولمدة لا تقل عن ٣ شهور
وللأسف معظم المرضي بيبقا في صدمة نفسية أو ضغط نفسي
وجرثومة ونظام أكل سيء وأشياء كتير
ولكن بإذن الله كله بيتعالج بفضل الله
الأكل ثم الأكل ثم الأكل
المرض شيء صعب ربنا يديم عليكم الصحة

الإمساك وارتجاع المريء واضطرابات الجهاز الهضمي تؤدي إلى الأرق أثناء النوم والشعور بالخمول عند الاستيقاظ
🖤👌🏽

التردد علي الحمام للبول 🏃..
له أسباب كتير
١- زيادة الأملاح في البول :
البول بيبقا مالح لدرجة مستفزة لغشاء المثانة ، ومن ثم المثانة تدي أوامر بسرعة بتفريغ البول أول بأول لمنع تكون الحصوات بداخلها ، نلاقي نفسنا بنروح كتير وبينزل بول قليل حراق .
٢- الصديد وإلتهابات المسالك :
نفس فكرة الأملاح الصديد بيبقا بيئة تساعد لتكون الحصوات لذلك الجسم بيتخلص منه أول بأول
٣- السكر :
الجسم بيتخلص من السكر الزيادة عن طريق الكليتين ، وهنا الكلية تفلتر السكر الزيادة وتاخد معاه ماء كتير بالتالي البول يبقا تردد كتير وكمية كتيرة .
٤- ضعف عضلات المثانة :
المثانة ليها عضلات لو ضعفت لأسباب كتير بتبقا مش قادرة تسيطر علي البول بداخلها وهنا المريض كل فترة يجري علي الحمام علشان يلحق نفسه وخصوصا السيدات
٥- البروستاتا للرجال:
في حالة تصخم البروستاتا بتقتحم المثانة وتدخل جواها وهنا أول لما يصل البول لقاع المثانة يلمس خلايا البروستاتا الي مفروض تكون في المجري السفلي ، الجسم يفهم خطأ أن البول وصل تحت ويبدأ يفتح ويعطي أمر بالتبول .
٦- المثانة العصبية :
ودي بالنسبالي نتاج أشياء كثيرة منها زيادة الإلتهابات في الجسم ، والي تعبنا وقولنا أن المصدر الأساسي هو الجهاز الهضمي
إرتفاع السكر وإلتهاب الأعصاب الي بيخرب الأوعية الدموية كلها ويبدأ بأضعفها والي بتغذي الأعصاب
زيادة الهيستامين واتكلمنا عن الموضوع ده ..
وبنشوف ناس كتير بتقولي يا دكتور وانا بضحك أو بزعق في بول بينزل مني ؟
بنقولهم الأمر ده بيقول أن جسمك أتهري إلتهابات وأعصاب المثانة بقت زي الطفل الصغير ضعيفة ، لازم ناخد فايتامينات ونظبت أكلنا وشربنا
ترسيب الحصوات الحجرية بيبقا في الأغلب وراثي عن طريق عائلة الأم .
اللمون مع الأكل بيمسك في مكونات الحصاوي ويتخلص منها عن طريق البراز مفيد جدا بعد الاكل
البيض والجبن والشطة ممنوع
والشاااي والمأكولات الخضرة وللأسف الردة فيهم أوكسلات كتير
ودول بيمنعوا إمتصاص الكالسيوم لذلك بنبعدهم عن أي منتجات ألبان
الحكة المستمرة وحساسية الجلد قد يكون سببها الأملاح .
ألم العظام والشوكة العظمية من أعراض إرتفاع الأملاح .
الحلف بر ويقال البقدونس لهم دور جميل في التخلص من الحصوات وإدرار البول
خلو بالكم من نفسكم
د مصطفي سيد 🖤👑