Key Alex University

استكمالا لقصص النجاح

لاري إليسون .. من الصفر إلى خامس أغنى رجل في العالم " قصه مبهره نتعلم منها "

اتولد إليسون في نيويورك سنة 1944، عاش طفولته في بيت عمه ولكن استمر في دراسته الثانوية وبعد كدة دخل الجامعة وحصل على أفضل طالب علوم في أول سنة.

وفي السنة التانية من الجامعة توفيت والدته ومن كتر حزنه عليها اتطرد من الجامعة، بعدها دخل جامعة شيكاغو وبردو اتطرد منها، فكر بعدها انه يروح كاليفورنيا المعروفة بمدينة الفرص والنجاحات.

استمر لمدة 10 سنين يشتغل اكتر من شغلانة في مجال البرمجيات وده اللى خلاه ياخد خبرة في العمل كمبرمج، قرر بعدها انه يفتح شركة لتطوير البرمجيات مع 2 صحابه، وبعدها بفترة صغيرة أسس شركة لإدارة قواعد البيانات “أوراكل” وكان فيها 10 موظفين بس ومفيش حد كان متوقع نجاح الشركة دي، لحد ماوصلت انها افضل شركة لإدارة قواعد البيانات في العالم.

كبرت الشركة بعد ما وقّعت شركة “آي بي إم” عقد مع شركة "اوراكل" بيسمح لها باستخدام نظام أوراكل لإدارة قواعد البيانات، وده ضاعف ارباح شركة اوراكل لمدة 7 سنين، بعد كده حصلت أزمة للشركة وكانت هتوصل للافلاس بس قدرت انها ترجع للسوق تاني في بداية التسعينات، وسيطرت على جزء كبير من سوق البرمجيات بفضل إدارة لاري إليسون الناجحة واستراتيجيته المميزة، قدر انه يضع خطة تخليه يسيطر على الشركات.

وقدر فعلا انه يبني شركة من الصفر ويحولها لشركة عملاقة قيمتها 185 مليار دولار وبعد ما كان بيشتغل فيها 10 موظفين بس بقى بيشتغل فيها 40 ألف موظف.
قدر لاري إليسون انه يحول الفشل لنجاح.. فضل مؤمن بنفسه وبقدراته في انه يحقق هدفه في عالم البرمجيات وتكون شركته احسن شركة في المجال .

تابعونا في Key Alex
وكل يوم قصة نجاح جديدة

أشهر صفعة في التاريخ ..

في القرن السادس عشر، وبالتحديد في إحدى القرى الألمانية؛ كان هناك طفل يدعي ( جاوس )، وكان طالبا ذكيا، وذكائه من النوع الخارق للمألوف ! وكان كلما سأل مدرس الرياضيات سؤالا كان جاوس هو السباق للإجابة علي السؤال .. فيحرم بذلك زملائه في الصف من فرصة التفكير في الإجابة ..

وفي أحد المرات سأل المدرس سؤالا صعباً، فأجاب عليه جاوس بشكل سريع؛ مما أغضب مدرسه! فأعطاه المدرس مسألة حسابية وقال : أوجد لي ناتج جمع الأعداد من 1 إلى 100، طبعا كي يلهيه عن الدرس ويفسح المجال للآخرين .. بعد 5 دقائق بالتحديد قال جاوس بصوت منفعل: 5050 !

فصفعه المدرس على وجهه! وقال : هل تمزح؟! أين حساباتك؟!

قال جاوس: اكتشفت أن هناك علاقة بين 99 و 1 ومجموعها = 100 وأيضا 98 و 2 تساوي 100 و 97 و 3 تساوي 100 وهكذا الي 51 و 49 واكتشفت بأني حصلت على 50 زوجاً من الأعداد ! وبذلك ألفت قانوناً عاماً لحساب هذه المسأله وهو n ( n+ 1) /2 واصبح الناتج 5050 !

فاندهش المدرس من هذه العبقريه، ولم يعلم أنه صفع في تلك اللحظة العالم الكبير : فريدريتش جاوس، أحد أشهر ثلاثة علماء رياضيات في التاريخ !

دمتم في خير وسعاده

لكل متابعينا ..
هاقدم لكم كل يوم قصة من قصص النجاح والكفاح التى واصل أصحابها مسيرتهم بالرغم من كل الصعاب التى واجهتهم حتى يصلوا لتحقيق أهدافهم ... فقط تابعونا


قصة اليوم عن :

"أندر آرمور" .. براند صنعه طالب جامعي

من الجمل الملهمة في فيلم (the wolf of wall street) "كل يوم بتصحى بيبقى قدامك اختيار من الاثنين يا تكمل نوم وأحلامك تفضل أحلام أو تقوم وتبدأ تطارد الأحلام دي"،
الجملة دي لو فكرنا فيها هنلاقي إنها منطقية جداً وده لأن عنصر النجاح المشترك ما بين كل رواد الأعمال في العالم هو الإصرار وده كان شعار بطل قصة النجاح اللي هنتكلم عنها دلوقتي كيفن بلانك.

ظهرت الفترة اللي فاتت علامة رياضية جديدة في الجيمات في مصر إنتشرت بشكل ملحوظ وأصبحت براند بيعبر عن الرياضيين عموماً تعالوا نشوف إيه قصة النجاح اللي ورا البراند ده.

بدأت قصة "أندر آرمور Under Armour" وكيفن بلانك في الجامعة، وكان في فريق كرة القدم الأمريكية وكانت من المشاكل اللي بيعاني منها هو وزمايله إنهم بيلعبوا بقمصان قطن مما كان بيسبب ليهم شعور بعدم الراحة نتيجة التعرق والمجهود اللي بيخلي القمصان القطنية ثقيلة ولا تسمح بالحركة، فخطرت ببال كيفن فكرة : ليه ميكونش في قمصان لا تمتص العرق فتدي مجال أكبر لحرية الحركة ؟؟

سافر كيفن في أجازته الصيفية لمدينة واشنطن علشان يدور على خامة التي شيرت اللي عايز يصنعه فوجد خامة خفيفة ومريحة وقابلة للتمدد حسب جسم اللي بيلبسها فاشتراها وراح بيها للخياط وطلب منه أن يعمل له 7 تيشيرتات من القماشة اللي معاه
ولما رجع الجامعة مع بداية الموسم عرض على مجموعة من صحابه في الفريق تجربة التيشيرتات دي فنالت إعجابهم كلهم فتشجع كيفن وقرر إنه يشترى كمية أكبر من القماش وخلى الخياط يصمم له عدد أكبر من التيشيرت وكانوا حوالى 500 تيشيرت فباعهم كلهم في الجامعة لأصدقائه وبدأ بكدة مشروعه الصغير وهو في الجامعة.

ونظراً لظروفه الصعبة اضطر كيفن إنه يقترض من البنك مبلغ 6 ألاف دولار ولما أتى وقت السداد قرر إنه هيقامر على ما تبقى له من أموال أملاً في إنه هيقدر يسد الدين اللي عليه وبسبب القرار ده خسر كيفن آخر 3000 دولار كان بيمتلكهم، ورجع لنقطة الصفر بسبب جشعه، لكنه استلم شيك بقيمة 7500 دولار من جامعة جورجيا اللي كانت تعاقدت معاه عشان قمصان لفريق كرة القدم وكان بالنسبة له الشيك ده هو طوق النجاة اللي أنقذه وساعده على الاستمرار.

وفي أول سنة حققت شركة UNDER ARMOR أرباح 17,000 دولار وفي السنة الثانية نجحت في إنها تحقق أرباح بقيمة 100,000 دولار واستمرت الأرباح في التضاعف لحد ما وصلت ل 3 مليار دولار أمريكي في السنة.

اللي كان بيميز كيفن في إدارته إنه كان بيعامل موظفيه على إنهم فريق كرة القدم في المبيعات والتسويق هم الهجوم والإنتاج والتصميم هم الدفاع و كان بيعتبر نفسه صانع الألعاب اللي يقدر يحرك الأمور في الشركة كلها.

الدروس المستفادة من قصة كيفن بلانك:
- مهما قابلتك الصعاب أو المشاكل متخليهاش تعطلك عن تحقيق هدفك.
- كمدير تنفيذي أو مالك للشركة لازم تتعود على فكرة أنك هتتعلم حاجات كتير في شركتك عشان تقدر تخلي الأمور تستمر.
- لما تحقق هدفك ابدأ في البحث عن هدف جديد.

خليك مؤمن بمقولة "ما تبطلش تتعلم لإن الحياة مش هتبطل تعلمك"
مش معنى إنه حقق النجاح ده في أمريكا فيبقى مستحيل هنا أتعلم من اللي نجحوا وخد بالأسباب.

تابعونا وكل يوم قصة جديدة مع Key Alex

أنت لستَ فاشلا يا عزيزي...!

هل تعرف أن الأسد لا ينجح في الصيد إلا في ربع محاولاته أي أنه يفشل في 75% من محاولاته و ينجح في 25% منها فقط ؟!..

ورغم هذه النسبة الضئيلة التي تشاركه فيها معظم الضواري إلا أنه يستحيل على الأسد أن ييأس من محاولات المطاردة و الصيد ...
والسبب الرئيسي في ذلك ليس الجوع كما قد يظن البعض، إنما هو استيعاب الحيوانات لقانون (الجهود المهدورة) وهو القانون الذي تعمل به الطبيعة كلها ...

فنصف بيوض الأسماك يتم التهامها ..
ونصف مواليد الدببة تموت قبل البلوغ ...
ومعظم أمطار العالم تهطل في المحيطات ...
ومعظم بذور الأشجار تأكلها العصافير ...
وحده الإنسان من يرفض هذا القانون الطبيعي الكوني ويعتبر أن عدم نجاحه في بضع محاولات يجعل منه إنسانا فاشلا..!

لكن الحقيقة هي أن:
الفشل الوحيد هو " التوقف عن المحاولة "
والنجاح ليس أن يكون لديك سيرة حياة خالية من العثرات والسقطات ...
بل النجاح هو أن تمشي فوق أخطائك وتتخطى كل مرحلة ذهبت جهودك فيها هدراً وتتطلع الى المرحلة المقبلة..
ولو كان هنالك من كلمة تلخص هذه الدنيا فستكون بكل بساطة: استمر

للوصول إلى أهدافك تأكد أنك تسير وفق خطة صحيحة وتذكر أنك إذا فشلت في التخطيط فقد خططت للفشل ...